ଡୋମିନିକା,୧୭।୭: ରୋହିତ ଶର୍ମାଙ୍କ ଅଧିନାୟକତ୍ୱରେ ଥିବା ଟିମ ଇଣ୍ଡିଆ ୱେଷ୍ଟଇଣ୍ଡିଜ ବିପକ୍ଷ ପ୍ରଥମ ଟେଷ୍ଟ ମ୍ୟାଚ ଜିତି ସିରିଜରେ ୧-୦ ଅଗ୍ରଣୀ ହାସଲ କରିଛି। ୱେଷ୍ଟଇଣ୍ଡିଜ ଏବଂ ଭାରତ ମଧ୍ୟରେ ଦ୍ୱିତୀୟ ଟେଷ୍ଟ ମ୍ୟାଚ ୨୦ ଜୁଲାଇଠାରୁ ତ୍ରିନିଦାଦରେ ଖେଳାଯିବ। ତ୍ରିନିଦାଦରେ ୱେଷ୍ଟଇଣ୍ଡିଜ ବିପକ୍ଷ ଦ୍ୱିତୀୟ ଟେଷ୍ଟ ମ୍ୟାଚ୍ରେ ଭାରତୀୟ ଦଳର ତାରକା ବ୍ୟାଟ୍ସମ୍ୟାନ ବିରାଟ କୋହଲି ‘ବିରାଟ’ ରେକର୍ଡ ସୃଷ୍ଟି କରିବେ। ବିରାଟ କୋହଲି ଏହି ଟେଷ୍ଟ ମ୍ୟାଚରେ ଏତେ ବଡ଼ ରେକର୍ଡ ସୃଷ୍ଟି କରିବେ, ଯାହା ବର୍ତ୍ତମାନ ସୁଦ୍ଧା କୌଣସି ବ୍ୟାଟ୍ସମ୍ୟାନ କରିପାରି ନାହାଁନ୍ତି।
ଦାରା
ଯଦି ତ୍ରିନିଦାଦରେ ୱେଷ୍ଟଇଣ୍ଡିଜ ବିପକ୍ଷ ଏହି ଦ୍ୱିତୀୟ ଟେଷ୍ଟ ମ୍ୟାଚରେ ବିରାଟ କୋହଲି ୩୯ ରନ ସ୍କୋର କରନ୍ତି, ତେବେ ସେ ଅନ୍ତର୍ଜାତୀୟ କ୍ରିକେଟରେ ୨୫,୫୦୦ ରନ ପୂରଣ କରିବେ। ଭାରତୀୟ କ୍ରିକେଟ ଇତିହାସରେ ଏହି ବଡ଼ ସଫଳତା ହାସଲ କରିବାକୁ ସଚିନ ତେନ୍ଦୁଲକରଙ୍କ ପରେ ବିରାଟ କୋହଲି ଦ୍ୱିତୀୟ ଭାରତୀୟ ବ୍ୟାଟ୍ସମ୍ୟାନ ହେବେ। ରାହୁଲ ଦ୍ରାବିଡଙ୍କ ପରି ଜଣେ ମହାନ ବ୍ୟାଟ୍ସମ୍ୟାନ ମଧ୍ୟ ତାଙ୍କ ଅନ୍ତର୍ଜାତୀୟ କ୍ୟାରିୟରରେ ଏହି ସଫଳତା ହାସଲ କରିପାରି ନାହାଁନ୍ତି। ବର୍ତ୍ତମାନ ବିରାଟ କୋହଲିଙ୍କ ଅନ୍ତର୍ଜାତୀୟ କ୍ରିକେଟରେ ୨୫,୪୬୧ ରନ ରେକର୍ଡ ରହିଛି।
ଭାରତୀୟ କ୍ରିକେଟ ଇତିହାସରେ ଏହି ମହାନ ସଫଳତା ହାସଲ କରିବାରେ ସଚିନ ତେନ୍ଦୁଲକରଙ୍କ ପରେ ସେ ଦ୍ୱିତୀୟ ଭାରତୀୟ ବ୍ୟାଟ୍ସମ୍ୟାନ ହେବେ। ସମ୍ପ୍ରତି ଖେଳୁଥିବା କ୍ରିକେଟରଙ୍କ ମଧ୍ୟରେ ବିରାଟ କୋହଲି ଏହି ରେକର୍ଡ ସୃଷ୍ଟି କରିଥିବା ପ୍ରଥମ ବ୍ୟାଟ୍ସମ୍ୟାନ ହେବେ। ବିରାଟ କୋହଲି ବର୍ତ୍ତମାନ ପର୍ଯ୍ୟନ୍ତ ଅନ୍ତର୍ଜାତୀୟ କ୍ରିକେଟରେ ୨୫,୪୬୧ ରନ ସଂଗ୍ରହ କରିଛନ୍ତି।
ସଚିନ ତେନ୍ଦୁଲକର ଅନ୍ତର୍ଜାତୀୟ କ୍ରିକେଟରେ ଏପର୍ଯ୍ୟନ୍ତ ସର୍ବାଧିକ ୩୪,୩୫୭ ରନ ସଂଗ୍ରହ କରିଛନ୍ତି। ରାହୁଲ ଦ୍ରାବିଡଙ୍କ ପରି ଜଣେ ମହାନ ବ୍ୟାଟ୍ସମ୍ୟାନ ମଧ୍ୟ ତାଙ୍କର ସମଗ୍ର ଅନ୍ତର୍ଜାତୀୟ କ୍ରିକେଟ କ୍ୟାରିୟରରେ ଏହି ମହାନ ରେକର୍ଡ ସୃଷ୍ଟି କରିପାରି ନାହାଁନ୍ତି। ରାହୁଲ ଦ୍ରାବିଡ ଅନ୍ତର୍ଜାତୀୟ କ୍ରିକେଟରେ ୨୪,୨୦୮ ରନ ସଂଗ୍ରହ କରିଛନ୍ତି।