ପୁଣେ,୨୬।୩: ଭାରତୀୟ ଅଧିନାୟକ ବିରାଟ କୋହଲି ଶୁକ୍ରବାର ହାସଲ କରିଛନ୍ତି ଆଉ ଏକ ସ୍ବତନ୍ତ୍ର ମାଇଲଷ୍ଟୋନ। ଦିନିକିଆରେ ୩ୟ ପୋଜିଶନରେ ବ୍ୟାଟିଂ କରି ୧୦ ହଜାର ରନ୍ ପୂରଣ କରିଛନ୍ତି କୋହଲି। ଏମ୍ସିଏଠାରେ ଇଂଲଣ୍ଡ ବିପକ୍ଷରେ ଦ୍ୱିତୀୟ ମ୍ୟାଚ୍ରେ ୬୬ ରନ୍ର ଇନିଂସ ଅବସରରେ ସେ ହାସଲ କରିଛନ୍ତି ଏହି ମାଇଲଷ୍ଟୋନ।
ଅଷ୍ଟ୍ରେଲିଆର କିମ୍ବଦନ୍ତୀ ଅଧିନାୟକ ରିକି ପଣ୍ଟିଂଙ୍କ ପରେ ଦିନିକିଆ କ୍ରିକେଟରେ କୋହଲି ଦ୍ୱିତୀୟ ବ୍ୟାଟ୍ସମ୍ୟାନ ଭାବେ ୩ୟ ପୋଜିଶନରେ ପୂରଣ କରିଛନ୍ତି ଏହି ସଫଳତା। ୩ୟ ପୋଜିଶନରେ ସର୍ବାଧିକ ରନ୍ କରିବାର ରେକର୍ଡ ପଣ୍ଟିଂ ନାମରେ ଅଛି। ସେ ୩୩୦ ଇନିଂସରେ ଏହି କ୍ରମରେ ୧୨,୬୬୨ ରନ୍ କରିଥିଲେ। କିନ୍ତୁ ୩୦ ବର୍ଷୀୟ କୋହଲି ୧୯୦ତମ ଇନିଂସରେ ପୂରଣ କରିଛନ୍ତି ୧୦ ହଜାର। ତାଙ୍କ ପଛକୁ ଏହି ତାଲିକାରେ ଶ୍ରୀଲଙ୍କାର ପୂର୍ବତନ ଅଧିନାୟକ କୁମାର ସଙ୍ଗାକାରା (୨୩୮ ଇନିଂସରେ ୯,୭୪୭ ରନ୍) ଓ ଦକ୍ଷିଣ ଆଫ୍ରିକାର ଜ୍ୟାକ୍ସ କାଲିସ (୭,୭୭୪ ରନ୍ ) ରହିଛନ୍ତି।