ଦୁବାଇ,୨୪।୧୦: ଭାରତ-ପାକିସ୍ତାନ ମ୍ୟାଚ୍ରେ ଯାହା ଆଶା କରାଯାଉଥିଲା, ତାହା ହିଁ ଦେଖିବାକୁ ମିଳିଛି। ପାକିସ୍ତାନ ପେସରଙ୍କ ଚମତ୍କାର ବୋଲିଂ କାରଣରୁ ୩୧ ରନ୍ ମଧ୍ୟରେ ଟପ୍ ୩ ବ୍ୟାଟରଙ୍କୁ ହରାଇ ସାରିଥିଲା ଭାରତ। ଏଭଳି ସଙ୍କଟ ଜନକ ପରିସ୍ଥିତିରେ ସାମ୍ନାରୁ ଲଢ଼େଇ କରିଥିଲେ ଅଧିନାୟକ ବିରାଟ କୋହଲି। ସେ ୫୭ ରନ୍ର ଇନିଂସ ଖେଳିଥିଲେ। ଏଥିରେ ଥିଲା ୫ ଚୌକା ଓ ୧ ଛକା। ତାଙ୍କୁ ସହଯୋଗ କରିଥିଲେ ରିଷଭ ପନ୍ତ (୩୯ ରନ୍, ୨ ଲେଖାଏ ଚୌକା ଓ ଛକା)। ଫଳରେ ଭାରତ ୨୦ ଓଭରରେ ୭ ଉଇକେଟ ୧୫୧ ରନ୍ କରିବାକୁ ସକ୍ଷମ ହୋଇଛି।
ଟିମ୍ ଇଣ୍ଡିଆ ପାଇଁ ସବୁଠୁ ଘାତକ ସାଜିଥିଲେ ଶାହିନ ଆଫ୍ରିଦୀ। ସେ ୩ ଉଇକେଟ ନେଇଥିବା ବେଳେ ହାସନ ଅଲି ୨ ଉଇକେଟ ହାତେଇଥିଲେ।