ଅହମ୍ମଦାବାଦ,୫।୩: ମାର୍ଚ୍ଚ ୪ରୁ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଭାରତ ଏବଂ ଇଂଳଣ୍ଡ ମଧ୍ୟରେ ୪ର୍ଥ ଟେଷ୍ଟ ଖେଳାଯାଉଛି। ଏହି ମ୍ୟାଚ୍ରେ ଭାରତୀୟ ଅଧିନାୟକ ବିରାଟ କୋହଲି ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଙ୍କ ରେକର୍ଡ ଭାଙ୍ଗିବାର ସୁଯୋଗ ରହିଛି। ଯଦି ବିରାଟ ଇଂଲଣ୍ଡ ବିପକ୍ଷ ଏହି ଟେଷ୍ଟରେ ଶତକ କରିବାରେ ସଫଳ ହୁଅନ୍ତି ତେବେ ଅଧିନାୟକ ଭାବରେ ସେ ସର୍ବାଧିକ ଅନ୍ତର୍ଜାତୀୟ ଶତକ ହାସଲ କରିବାରେ ରେକର୍ଡ କରିବେ। ଏବେ ପଣ୍ଟିଂ ଏବଂ ବିରାଟ ଅଧିନାୟକ ଭାବରେ ୪୧-୪୧ ଶତକ ଅର୍ଜନ କରିଛନ୍ତି। ଏହି ସମାନତା ଆଜି ନୁହେଁ ୪୬୭ ଦିନ ଧରି ବଜାୟ ରହିଛି। ଇତିମଧ୍ୟରେ ବିରାଟ ୩୫ ଇନିଂସ ଖେଳିଥିଲେ ମଧ୍ୟ ଶତକ ଅର୍ଜନ କରିନାହାନ୍ତି। କୋହଲି ମାତ୍ର ୧୯୦ଟି ମ୍ୟାଚ ଅଧିନାୟକତ୍ୱ କରିଥିବା ଏହି ଶତକ ହାସଲ କରିଥିବାବେଳେ ପଣ୍ଟିଂ ୩୨୪ଟି ମ୍ୟାଚ ଖେଳି ୪୧ ଶତକ ମାରିଥିଲେ। ଯଦି କୋହଲି ଚତୁର୍ଥ ଟେଷ୍ଟରେ ଗୋଟିଏ ଶତକ ମାରନ୍ତି, ତେବେ ଟେଷ୍ଟ କ୍ୟାରିୟରରେ ଏହା ତାଙ୍କର ୨୮ ତମ ଶତକ ହେବ। ଏହା ବ୍ୟତୀତ ଅନ୍ତର୍ଜାତୀୟ କ୍ରିକେଟରେ କୋହଲିଙ୍କ ୭୦ ଶତକ ରହିଛି। ତାଙ୍କଠାରୁ କେବଳ ସଚିନ ତେନ୍ଦୁଲକର (୧୦୦) ଏବଂ ପଣ୍ଟିଂ (୭୧) ଆଗରେ ଅଛନ୍ତି।
