ମୁମ୍ବାଇ,୨୯।୧୨: କ୍ରିକେଟ ଇତିହାସରେ ଭାରତୀୟ ଅଧିନାୟକ ବିରାଟ କୋହଲି ତାଙ୍କ ନାମରେ ଆଉ ଏକ ସଫଳତା ଯୋଡିଛନ୍ତି। କୋହଲିଙ୍କୁ ଆଇସିସିର ସର୍ବଶ୍ରେଷ୍ଠ କ୍ରିକେଟର୍ ଏବଂ ଦଶନ୍ଧିର ଶ୍ରେଷ୍ଠ ଏକଦିବସୀୟ ଖେଳାଳି ଭାବେ ମନୋନୀତ କରାଯାଇଛି। ଆଇସିସି ପୁରସ୍କାର ପାଇବା ପରେ କୋହଲି ତାଙ୍କ ସଫଳତାର ରହସ୍ୟ ପ୍ରକାଶ କରିଛନ୍ତି। ସେ କହିଛନ୍ତି ଯେ ସେ ସବୁବେଳେ ବ୍ୟାଟିଂ କରି ଦଳର ବିଜୟରେ ସହାୟତା ଦେବାକୁ ଚାହାଁନ୍ତି। କୋହଲି ଏହି ବିବୃତ୍ତିରେ କହିଛନ୍ତି, ସର୍ବପ୍ରଥମେ ଏହି ପୁରସ୍କାର ପାଇବା ମୋ ପାଇଁ ଏକ ଗୌରବର ବିଷୟ। ଗତ ଦଶନ୍ଧି ମଧ୍ୟରେ ମୋ ହୃଦୟର ନିକଟତମ ମୁହୂର୍ତ୍ତ ନିଶ୍ଚିତ ଭାବରେ ୨୦୧୧ରେ ବିଶ୍ୱକପ, ୨୦୧୩ରେ ଚାମ୍ପିଅନ୍ସ ଟ୍ରଫି ଏବଂ ୨୦୧୮ରେ ଅଷ୍ଟ୍ରେଲିଆ ରେ ସିରିଜ୍ ଜିତିବା। ଶ୍ରେଷ୍ଠ ଏକଦିସବୀୟ କ୍ରିକେଟର ଭାବେ ମନୋନୀତ ହେବାପରେ କୋହଲି କହିଛନ୍ତି, ମୁଁ ଏକଦିବସୀୟ କ୍ରିକେଟରେ ଖୁବଶୀଘ୍ର ଜଡ଼ିତ ହୋଇଥିଲି। ମୁଁ ପ୍ରଥମ ଏକଦିବସୀୟ ଦଳରେ ସ୍ଥାନ ପାଇଥିଲି ଏବଂ କିଛି ବର୍ଷ ପରେ ମୁଁ ଟେଷ୍ଟ ଡେବ୍ୟୁ କରିଥିଲି। ତେଣୁ ମୋର ଖେଳକୁ ବହୁ ପୂର୍ବରୁ ବୁଝିବାର ଏକ ସୁଯୋଗ ପାଇଲି। ଦଳ ପାଇଁ ଜିତିବା ମୋର ଏକମାତ୍ର ଉଦ୍ଦେଶ୍ୟ ଏବଂ ମାନସିକତା ଥିଲା ଏବଂ ମୁଁ ମୋର ପ୍ରତ୍ୟେକ ମ୍ୟାଚରେ ତାହା କରିବାକୁ ଚେଷ୍ଟା କରିଥିଲି କୋହଲି କହିଛନ୍ତି।
ପଡିଆରେ ସବୁବେଳେ ହୃଦୟ ଏବଂ ପ୍ରାଣକୁ ପଡ଼ିଆରେ ରଖିଛି ଏବଂ ଦଳକୁ ସଠିକ ଦିଗରେ ବଝିବାକୁ ଚେଷ୍ଟା କରେ। ଫଳାଫଳ ହାସଲ କରାଯିବା ଉଚିତ କି ନୁହେଁ। କୋହଲି କହିଛନ୍ତି ଯେ ବ୍ୟକ୍ତିଗତ ପ୍ରଦର୍ଶନ ଦଳର ଲକ୍ଷ୍ୟ ସହିତ ଜଡିତ। ଏହା ଖେଳାଳିଙ୍କୁ ସର୍ବଶ୍ରେଷ୍ଠ ପ୍ରଦର୍ଶନ କରିବାରେ ସାହାଯ୍ୟ କରିଥାଏ। ସେ କହିଛନ୍ତି ଯେ ଏହା ଦୀର୍ଘ ସମୟ ମଧ୍ୟରେ ସମସ୍ତ ଫର୍ମାଟରେ ଭଲ ପ୍ରଦର୍ଶନ କରିବାରେ ସାହାଯ୍ୟ କରିଥାଏ। କୋହଲି କହିଛନ୍ତି, ୪୦, ୫୦, ୬୦ କିମ୍ବା ଏକ ଶତକ କିମ୍ବା ଦ୍ୱିଶତକ ହାସଲ କରିଛନ୍ତି। ବିଜୟର ବାଟ ଖୋଲିବା ପାଇଁ ମୁଁ ସବୁବେଳେ ଯଥା ସମ୍ଭବ ବ୍ୟାଟିଂ କରିବାକୁ ଚେଷ୍ଟା କରେ। ପ୍ରତ୍ୟେକ ଥର ପଡ଼ିଆକୁ ଆସିବାବେଳେ ଦଳ ପାଇଁ କିଛି ସ୍ମରଣୀୟ କାର୍ଯ୍ୟ କରିବାକୁ ଚେଷ୍ଟା ଯାହା ମୋତେ ସଫଳତା ଦେଇଥାଏ ବୋଲି କୋହଲି ପ୍ରକାଶ କରିଛନ୍ତି।