ସେଞ୍ଚୁରିୟନ,୨୭।୧୨: ଦକ୍ଷିଣ ଆଫ୍ରିକା ବିପକ୍ଷ ତିନି ଟେଷ୍ଟ ସିରିଜର ପ୍ରଥମ ଟେଷ୍ଟ ମ୍ୟାଚ ଖେଳୁଛି ଭାରତୀୟ ଦଳ। ଏହି ମ୍ୟାଚରେ ଭାରତୀୟ ଓପନରମାନେ ଚମତ୍କାର ଇନିଂସ ଖେଲିଛନ୍ତି। ଏଥି ସହିତ ଭାରତୀୟ ଅଧିନାୟକ ବିରାଟ କୋହଲି କୌଣସି ବଡ଼ ଇନିଂସ ଖେଳି ପାରି ନାହାଁନ୍ତି, ଏହା ସତ୍ତ୍ୱେ ସେ ପୂର୍ବତନ ଅଧିନାୟକ ସୌରଭ ଗାଙ୍ଗୁଲିଙ୍କ ଏକ ସ୍ବତନ୍ତ୍ର ରେକର୍ଡକୁ ପଛରେ ପକାଇଛନ୍ତି।
ଭାରତୀୟ ଟେଷ୍ଟ ଦଳର ଅଧିନାୟକ ବିରାଟ କୋହଲି ପ୍ରଥମ ଟେଷ୍ଟ ମ୍ୟାଚରେ ୯୪ ବଲରେ ୩୫ ରନ ସଂଗ୍ରହ କରିଥିଲେ। ସେଥିରେ ୪ଟି ଚୌକା ରହିଥିଲା। କୋହଲି ବିଦେଶୀ ମାଟିରେ ୪୦୦୦ ରନ ପୂରଣ କରିଛନ୍ତି। ସେ ୯୫ତମ ଇନିଂସରେ ୪,୦୦୦ ରନ ମାର୍କ ଅତିକ୍ରମ କରିଥିଲେ। ଏଥି ସହିତ, କୋହଲି ସୌରଭ ଗାଙ୍ଗୁଲି ଏବଂ ଭିଭିଏସ ଲକ୍ଷ୍ମଣଙ୍କ ଅପେକ୍ଷା ଏହି ସଂଖ୍ୟାକୁ କୋହଲି ଦ୍ରୁତ ଭାବରେ ଅତିକ୍ରମ କରିଛନ୍ତି। ଭାରତୀୟ ଦଳର କୋଚ ତଥା ପୂର୍ବତନ ବ୍ୟାଟ୍ସମ୍ୟାନ ରାହୁଲ ଦ୍ରାବିଡ ଘରୋଇ ଗ୍ରାଉଣ୍ଡରେ ଦ୍ରୁତତମ ୪ ହଜାର ରନ୍ କରିଥିଲେ। ଦ୍ରାବିଡ ମାତ୍ର ୭୭ ଇନିଂସରେ ୪୦୦୦ ରନ ପୂରଣ କରିଥିଲେ।
ବିଦେଶରେ ୪ ହଜାର ରନ ପୂରଣ କରିଥିବା ଦ୍ରୁତତମ ଭାରତୀୟ
ରାହୁଲ ଦ୍ରାବିଡ – ୭୭ ଇନିଂସ
ସୁନୀଲ ଗାଭାସ୍କର – ୮୦ ଇନିଂସ
ସଚିନ ତେନ୍ଦୁଲକର – ୮୫ ଇନିଂସ
ବିରାଟ କୋହଲି – ୯୫ ଇନିଂସ
ସୌରଭ ଗାଙ୍ଗୁଲି – ୧୦୩ ଇନିଂସ