ଆବୁଧାବି, ୩।୧୦: ଚଳିତ ଆଇପିଏଲ୍ରେ ଶନିବାର ଖେଳାଯାଇଥିବା ପ୍ରଥମ ମ୍ୟାଚ୍ରେ ବିରାଟ କୋହଲିଙ୍କ ନେତୃତ୍ୱାଧୀନ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଦମ୍ଦାର ବିଜୟ ହାସଲ କରିଛି। ସ୍ଥାନୀୟ ଶେଖ୍ ଜାୟେଦ ଷ୍ଟାଡିୟମରେ ଅନୁଷ୍ଠିତ ମ୍ୟାଚ୍ରେ ବାଙ୍ଗାଲୋର ୮ ଉଇକେଟ୍ରେ ରାଜସ୍ଥାନ ରୟାଲ୍ସକୁ ପରାସ୍ତ କରିଛି। ରାଜସ୍ଥାନ ପ୍ରଥମେ ବ୍ୟାଟିଂ କରି ମହିପାଲ ଲୋମ୍ରା (୪୭ ରନ) ଓ ରାହୁଲ୍ ଟଓ୍ବୋତିଆ (୨୪ ରନ)ଙ୍କ ଉପଯୋଗୀ ବ୍ୟାଟିଂ ବଳରେ ୬ ଉଇକେଟ୍ ହରାଇ ୧୫୪ ରନ କରିଥିଲା। ଜବାବରେ ବାଙ୍ଗାଲୋର ଓପନର୍ ଦେବବତ୍ତ ପଡିକ୍କଲ (୬୩ ରନ, ୪୫ ବଲ) ଓ ଅଧିନାୟକ କୋହଲି (୭୨ ରନ, ୫୩ ବଲ)ଙ୍କ ଅର୍ଦ୍ଧଶତକୀୟ ଇନିଂସ ବଳରେ ୧୯.୧ ଓଭରରେ ୨ ଉଇକେଟ୍ ହରାଇ ୧୫୮ ରନ କରିଥିଲା। ୪ ମ୍ୟାଚ୍ରୁ ୩ ବିଜୟ ସହ ବାଙ୍ଗାଲୋର ୬ ପଏଣ୍ଟ ପାଇ ଟେବୁଲ ତାଲିକାର ଶୀର୍ଷକୁ ଉଠିଛି।