ଦୁବାଇ,୨୮।୭: ଶ୍ରୀଲଙ୍କା ଓ ଭାରତ ମଧ୍ୟରେ ପ୍ରଥମ ଟି୨୦ ମ୍ୟାଚ୍ ପରେ ଆଇସିସି ଖେଳାଳିଙ୍କ ର଼୍ୟାଙ୍କିଙ୍ଗ୍ରେ ପରିବର୍ତ୍ତନ ଦେଖିବାକୁ ମିଳିଛି। ଭାରତୀୟ ଅଧିନାୟକ ବିରାଟ କୋହଲି ଓ ବ୍ୟାଟ୍ସମ୍ୟାନ ଲୋକେଶ ରାହୁଲ ଆଇସିସି ଟି୨୦ ବ୍ୟାଟ୍ସମ୍ୟାନଙ୍କ ତାଲିକାରେ ୫ମ ଓ ୬ଷ୍ଠ ସ୍ଥାନ ବଜାୟ ରଖିଥିବା ବେଳେ ଓପନର ରୋହିତ ଶର୍ମାଙ୍କ ମାନ୍ୟତାରେ ଅବନତି ଘଟିଛି। ଚଳିତ ଶ୍ରୀଲଙ୍କା ସିରିଜ୍ରେ ନ ଖେଳିବା କାରଣରୁ ରୋହିତ ପୂର୍ବ ଅପେକ୍ଷା ଗୋଟିଏ ସୋପାନ ତଳକୁ ଖସି ୧୪ତମ ସ୍ଥାନରେ ପହଞ୍ଚିଛନ୍ତି। ପ୍ରଥମ ମ୍ୟାଚ୍ରେ ୪୬ ରନ୍ର ଇନିଂସ ଖେଳିଥିବା ଶିଖର ଧାଓ୍ବନ ଉଠିଛନ୍ତି ୨୯ତମ ସ୍ଥାନକୁ ।
ବୋଲରଙ୍କ ମଧ୍ୟରେ ଭୁବନେଶ୍ୱର କୁମାର ଓ ୟୁଜବେନ୍ଦ୍ର ଚହଲଙ୍କ ର଼୍ୟାଙ୍କିଙ୍ଗ୍ରେ ଉନ୍ନତି ଆସିଛି। ଭୁବି ୧୬ତମ ସ୍ଥାନକୁ ଉଠିଥିବା ବେଳେ ୨୧ତମ ସ୍ଥାନ ଅଧିକାର କରିଛନ୍ତି ଚହଲ।