ପୁଣେ,୨୨।୩ : ଦଳରେ ସୂର୍ଯ୍ୟକୁମାର ଯାଦବଙ୍କୁ ସୁଯୋଗ ଦେବା ପାଇଁ ଅଧିନାୟକ ବିରାଟ କୋହଲି ବଳିଦାନ ଦେଇପାରିବେ। ସୂର୍ଯ୍ୟ ଏବେ ଯେଉଁ ଭଳି ଖେଳୁଛନ୍ତି, ସେଭଳି ଖେଳିବା ଜାରି ରଖିଲେ ଦଳର ଆବଶ୍ୟକତା ଅନୁଯାୟୀ ଯେ କୌଣସି ସ୍ଥାନରେ ଖେଳିପାରିବି ବୋଲି କହିଛନ୍ତି ଭାରତୀୟ ଅଧିନାୟକ ବିରାଟ କୋହଲି।
ମୁଁ ଆଇପିଏଲରେ ଓପନିଂ କରିବି। ଯାହା ଫଳରେ ଟିମ୍ ଇଣ୍ଡିଆ ପାଖରେ ସମସ୍ତ ବିକଳ୍ପ ଉପଲବ୍ଧ ହେବ। ମୁଁ ୩ ଓ ୪ର୍ଥ କ୍ରମରେ ବ୍ୟାଟିଂ କରୁଛି। ଏବେ ଓପନର ଭାବେ ମୋତେ ନିଜ ଦାୟିତ୍ୱକୁ ବୁଝିବାକୁ ପଡ଼ିବ। ଅତୀତରେ ମୁଁ ଟି୨୦ରେ ଓପନର କରି ସଫଳ ହୋଇଛି। ଏଭଳି କରିବା ଦ୍ୱାରା ସୂର୍ଯ୍ୟକୁମାର ଯାଦବଙ୍କୁ ଉପରେ କ୍ରମରେ ବ୍ୟାଟିଂ କରିବାକୁ ସୁଯୋଗ ମିଳିବ। ଯଦି ସେ ଏଭଳି ଖେଳିବା ଜାରି ରଖନ୍ତି, ତେବେ ମୋତେ ଦଳୀୟ ଆବଶ୍ୟକତା ଅନୁଯାୟୀ, ଖେଳିବା ଉଚିତ। ଏ ସମ୍ପର୍କରେ ଟି୨୦ ବିଶ୍ୱକପ୍ ପୂର୍ବରୁ ଅରାଲୋଚନା କରାଯିବ। ମୁଁ ଆଇପିଏଲରେ କେଉଁ ଭଳି ଓପନିଂ କରୁଛି, ତାହା ଅତ୍ୟନ୍ତ କୌତୁହଳର ବିଷୟ ହେବ ବୋଲି କୋହଲି ଇଂଲଣ୍ଡ ଦିନିକିଆ ମ୍ୟାଚ୍ ପୂର୍ବରୁ ଆୟୋଜିତ ଖବରଦାତା ସମ୍ମିଳନୀରେ କହିଛନ୍ତି।