ଇଂଲଣ୍ଡ,୧୭।୮: ଲର୍ଡସରେ ଖେଳାଯାଇଥିବା ଭାରତ ଏବଂ ଇଂଲଣ୍ଡ ମଧ୍ୟରେ ଦ୍ୱିତୀୟ ଟେଷ୍ଟର ଶେଷ ଦିନ ଅତ୍ୟନ୍ତ ରୋମାଞ୍ଚକର ଥିଲା। ଏହା ସହିତ ମ୍ୟାଚରେ ଅନେକ ହାଇ ଭୋଲଟେଜ ଡ୍ରାମା ମଧ୍ୟ ଦେଖିବାକୁ ମିଳିଥିଲା। ଇଂଲଣ୍ଡ ଖେଳାଳିମାନେ ସ୍ଲେଜିଂ କରୁଥିବା ବେଳେ ବିରାଟ କୋହଲିଙ୍କ ଦଳ ଭାରତ ମଧ୍ୟ ଉଭୟ ପାଟିରେ ଏବଂ ଖେଳ ସହିତ ଜବାବ ଦେଇଥିଲା।
୯ମ ଉଇକେଟ ପାଇଁ ମହମ୍ମଦ ଶାମିଙ୍କ ୫୬ ରନ ଏବଂ ଜସପ୍ରୀତ ବୁମ୍ରାଙ୍କ ୩୬ ରନ ଭାଗିଦାରୀ ସୃଷ୍ଟି କରି ଉଭୟ ଭାରତ ପାଇଁ ବିଜୟର ମୂଳଦୁଆ ପକାଇଥିଲେ। ଏହା ପରେ ଭାରତୀୟ ବୋଲରମାନେ ଇଂଲଣ୍ଡକୁ ୧୨୦ ରନ୍ରେ ଅଲଆଉଟ୍ କରି ୧୫୧ ରନରେ ମ୍ୟାଚ ଜିତିଥିଲେ। ମ୍ୟାଚର ଶେଷ ଦିନରେ ଭାରତୀୟ ଅଧିନାୟକ ବିରାଟ କୋହଲି ଲର୍ଡସ ବାଲକୋନିରୁ ଖାଳି କରୁଥିବା ଦେଖିବାକୁ ମିଳିଥିଲା। ଯେତେବେଳେ ବୁମରା କ୍ରିଜରେ ସାବଧାନତାର ସହ ବ୍ୟାଟିଂ କରୁଥିଲେ, ସେତେବେଳେ ମାର୍କ ଉଡ ତାଙ୍କୁ ବିଭ୍ରାନ୍ତ କରିବାକୁ ସ୍ଲେଜିଂ କରିଥିଲେ, ଯାହା ଦେଖି ବୁମରା ରାଗି ଯାଇଥିଲେ। ଏଥିସହ ସେ ଅମ୍ପାୟାରଙ୍କ ନିକଟରେ ଅଭିଯୋଗ କରିଥିଲେ। ସୋସିଆଲ ମିଡିଆରେ ଭାଇରାଲ ଭିଡିଓରେ ଏହା ସ୍ପଷ୍ଟ ଜଣାପଡୁଛି ଯେ, ଯେତେବେଳେ ଶାମି ଅମ୍ପାୟାରଙ୍କ ସହ କଥାବାର୍ତ୍ତା ହେଉଥିଲେ, ଅମ୍ପାୟାର ତାଙ୍କୁ ପାଟି ବନ୍ଦ କରିବାକୁ ପରାମର୍ଶ ଦେଇଥିଲେ। ବିରାଟ କୋହଲି ଲର୍ଡସ ବାଲକୋନିରୁ ଏହି ସମସ୍ତ ବିଷୟ ଦେଖୁଥିଲେ। ସେ ଗାଳି କରୁଥିଲେ ମଧ୍ୟ କରତାଳି ଦେଇ ବୁମ୍ରାଙ୍କୁ ଉତ୍ସାହିତ କରିଥିଲେ। ଏହି ସମୟରେ ଅମ୍ପାୟାର୍ ଇସାରାରେ ପାଟି ବନ୍ଦ ରଖିବାକୁ କହିଥିଲେ।