ଥିରୁଭାନନ୍ତପୁରମ୍,୧୬।୧: ତୃତୀୟ ଦିନିକିଆରେ ଭାରତ ଶ୍ରୀଲଙ୍କାକୁ ୩୧୭ ରନ ବ୍ୟବଧାନରେ ପରାସ୍ତ କରିଛି। ଏହାସହ ଟିମ ଇଣ୍ଡିଆ ସିରିଜ ୩-୦ରେ ଜିତିଛି। ଓପନର୍ ଶୁଭମାନ ଗିଲଙ୍କ ବ୍ୟତୀତ ବିରାଟ କୋହଲି ଭାରତୀୟ ଦଳ ପାଇଁ ଏକ ଚମତ୍କାର ଶତକୀୟ ଇନିଂସ ଖେଳିଥିଲେ। ବିରାଟ କୋହଲି ୧୧୦ ବଲରୁ ଅପରାଜିତ ୧୬୬ ସ୍କୋର କରିଥିଲେ। ଏହି ଇନିଂସ ପାଇଁ ତାଙ୍କୁ ମ୍ୟାନ୍ ଅଫ୍ ଦ ମ୍ୟାଚ୍ ପୁରସ୍କାର ଦିଆଯାଇଥିଲା। କେବଳ ଏତିକି ନୁହେଁ, ବିରାଟ କୋହଲିଙ୍କୁ ପ୍ଲେୟାର ଅଫ ଦି ସିରିଜ ଭାବେ ମଧ୍ୟ ମନୋନୀତ କରାଯାଇଥିଲା। ଏହି ଟ୍ରଫି ସହ ବିରାଟ କୋହଲି ସର୍ବାଧିକ ପ୍ଲେୟାର ଅଫ ସିରିଜ ପୁରସ୍କାର ପାଇଥିବା ଖେଳାଳି ହୋଇଛନ୍ତି।
ଏନେଇ ବିରାଟ କୋହଲି କହିଛନ୍ତି, ମୁଁ ଏ ବିଷୟରେ କିଛି ଜାଣେ ନାହିଁ। ମୋ ପାଇଁ ଏହା କେବଳ ମାନସିକତା ଏବଂ ଦଳ ପାଇଁ ଖେଳିବାର ପୁରସ୍କାର। ମୁଁ ସବୁବେଳେ ଦଳ ପାଇଁ ଭଲ ଖେଳିବାକୁ ଚେଷ୍ଟା କରେ। ବିରତି ପରେ ମୁଁ ଦଳକୁ ଫେରିବା ଦିନଠାରୁ ମୋତେ ଭଲ ଲାଗୁଛି। ରେକର୍ଡ ପାଇଁ ମୋର କୌଣସି ଚିନ୍ତା ନାହିଁ। ମୁଁ କେବଳ ମୋର ବ୍ୟାଟିଂକୁ ଉପଭୋଗ କରୁଛି। ମୁଁ ମୋର ଭଲ ଫର୍ମ ବଜାୟ ରଖିବାକୁ ଚାହୁଁଛି।