ନୂଆଦିଲ୍ଲୀ, ୮।୭- ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲି ନିଜ ଫିଟ୍ନେସକୁ ନେଇ ସର୍ବଦା ସଚେତନ ଥାଆନ୍ତି। ନିଜକୁ ଫିଟ୍ ରଖିବା ପାଇଁ ବିରାଟ ତାଙ୍କର ଡାଏଟ୍ ଏବଂ ଖାଦ୍ୟର ମଧ୍ୟ ସମ୍ପୂର୍ଣ୍ଣ ଯତ୍ନ ନେଇଥାନ୍ତି। ଯାହାର ଏକ ଜ୍ୱଳନ୍ତ ଉଦାହରଣ ଏବେ ଦେଖିବାକୁ ମିଳିଛି। ଡାଏଟ୍ ଦୃଷ୍ଟିରୁ ବିରାଟ କେତେ କଠୋର ତାହା ତାଙ୍କ ସ୍ତ୍ରୀ ଅନୁଷ୍କା ଶର୍ମା ଇନ୍ଷ୍ଟାଗ୍ରାମରେ ଶେୟାର କରିଥିବା ଏକ ଭିଡିଓରୁ ଜଣାପଡ଼ିଛି। ଭିଡିଓରେ କୋହଲି ତାଙ୍କ ଖାଦ୍ୟ ଓଜନ କରୁଥିବାର ଦେଖାଯାଇଛି। ବାସ୍ତବରେ ଯେଉଁ ଭିଡିଓ ଶେୟାର ହୋଇଛି ସେଥିରେ କୋହଲି କିମ୍ବା ଅନୁଷ୍କା କେହି ମଧ୍ୟ ଦେଖାଯାଉନାହାନ୍ତି। କିନ୍ତୁ ଉଭୟଙ୍କ ଭଏସ୍ ଭିଡିରେ ସ୍ପଷ୍ଟ ଭାବେ ଶୁଣାଯାଉଛି। ବିରାଟଙ୍କ ପାଇଁ ଅନୁଷ୍କା ଯେଉଁ ଖାଦ୍ୟ ନେଉଛନ୍ତି ତାହାର ଓଜନ କରୁଛନ୍ତି। ଯେତେବେଳେ ଖାଦ୍ୟର ଓଜନ କରାଯାଉଛି ଏବଂ ଏହା ୧୦୧ ଗ୍ରାମ ହୋଇଯାଇଛି ସେତେବେଳେ ବିରାଟ କହିଛନ୍ତି, ମୁଁ ୧୦୦ ଗ୍ରାମ ହିଁ ଚାହୁଁଛି। ମୋତେ ୧୦୦ ପସନ୍ଦ। ଜବାବରେ ଅନୁଷ୍କା କହିଛନ୍ତି, ଏହା ବହୁତ ଖାସ୍ ଅଟେ। କରୋନା ଭାଇରସ୍ ଲାଗି ଉଭୟ କୋହଲି ଓ ଅନୁଷ୍କା ପ୍ରଥମ ଥର ପାଇଁ ଏତେ ସମୟ ଘରେ ଏକାଠି ସମୟ ଅତିବାହିତ କରିଛନ୍ତି। ପୂର୍ବରୁ ନିଜ ନିଜର ବ୍ୟସ୍ତବହୁଳ କାର୍ଯ୍ୟସୂଚୀ ଲାଗି କୋହଲି ଓ ଅନୁଷ୍କା ବହୁ କମ୍ ସମୟ ଏକାଠି ବିତାଇବାର ସୁଯୋଗ ପାଉଥିଲେ।