ଲଣ୍ଡନ,୬।୮: ଇଂଲଣ୍ଡ ବିପକ୍ଷରେ ଟେଷ୍ଟ ସିରିଜ ଆରମ୍ଭ ହେବାର ଗୋଟିଏ ଦିନ ପୂର୍ବରୁ ଭାରତୀୟ ଅଧିନାୟକ ବିରାଟ କୋହଲିଙ୍କୁ ଜେମ୍ସ ଆଣ୍ଡରସନଙ୍କ ଉପରେ ପ୍ରଶ୍ନ ପଚରାଯାଇଥିଲା। ପ୍ରଶ୍ନ ଥିଲା ଆପଣ ଜେମ୍ସ ଆଣ୍ଡରସନଙ୍କୁ କିପରି ସାମ୍ନା କରିବେ? ଏହା ଉପରେ ବିରାଟ କୋହଲି କହିଥିଲେ – ମୁଁ କେବଳ ବ୍ୟାଟିଂ କରିବି। କିନ୍ତୁ ନଟିଂହାମ ଟେଷ୍ଟର ପ୍ରଥମ ଇନିଂସରେ ଭାରତୀୟ ଅଧିନାୟକ କେବଳ ଗୋଟିଏ ବଲ ଖେଳି ଆଉଟ୍ ହୋଇଥିଲେ। ଜେମ୍ସ ଆଣ୍ଡରସନ ବିରାଟ କୋହଲିଙ୍କୁ ତାଙ୍କ ଶ୍ରେଷ୍ଠ ଆଉଟ ସୁଇଙ୍ଗରେ ଆଉଟ କରିଥିଲେ। ଏବେ ବିରାଟ କୋହଲିଙ୍କୁ ସୋସିଆଲ ମିଡିଆରେ ପରିହାସ କରାଯାଉଛି। ପ୍ରଶଂସକମାନେ ବିରାଟ କୋହଲିଙ୍କ ମଜାଳିଆ ମେମ ସୋସିଆଲ ମିଡିଆରେ ଶେୟାର କରୁଛନ୍ତି। ଖବରଦାତା ସମ୍ମିଳନୀରେ ଅଧିନାୟକ କୋହଲିଙ୍କ କଥା ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଭାରତୀୟ ଦଳ ଇଂଲଣ୍ଡରେ ପ୍ରବେଶ କରିବା ମାତ୍ରେ ବିରାଟ କୋହଲି ଏବଂ ଆଣ୍ଡରସନଙ୍କ ମଧ୍ୟରେ ଏକ ପ୍ରକାର ଟକ୍କର ଲାଗିଥାଏ। ୨୦୧୪ ମସିହାରେ ଆଣ୍ଡରସନ ବିରାଟ କୋହଲିଙ୍କୁ କ୍ରିଜରେ ସ୍ଥିର କରିବାର ସୁଯୋଗ ଦେଇ ନ ଥିଲେ, କିନ୍ତୁ ୨୦୧୮ରେ କୋହଲି କିମ୍ବଦନ୍ତୀ ବୋଲର ଆଣ୍ଡରସନଙ୍କୁ ଗୋଟିଏ ଉଇକେଟ ଦେଇ ନ ଥିଲେ। କିନ୍ତୁ ୨୦୨୧ ଟେଷ୍ଟ ସିରିଜରେ ବିରାଟ କୋହଲି ପ୍ରଥମ ବଲରେ ଆଣ୍ଡରସନଙ୍କ ଶିକାର ହୋଇଥିଲେ। ଇଂଲଣ୍ଡ ବିପକ୍ଷରେ ତୃତୀୟ ଥର ଏବଂ ଟେଷ୍ଟ କ୍ୟାରିୟରରେ ପଞ୍ଚମ ଥର ପାଇଁ ବିରାଟ କୋହଲି ଏକ ଶୂନରେ ଆଉଟ୍ ହୋଇଥିଲେ।