‘କିମ ଜୋଙ୍ଗ ଉନ୍ ବି ମମତାଙ୍କୁ ଦେଖି ଆଶ୍ଚର୍ଯ୍ୟ ହୋଇଯିବେ’, ଏମିତି କାହିଁକି କହିଲା ଭାଜପା
04 ନୂଆଦିଲ୍ଲୀ,୧୭।୮: କୋଲକାତାର ଆର୍.ଜି କର ମେଡିକାଲ କଲେଜର ଜଣେ ମହିଳା ଡାକ୍ତରଙ୍କୁ ବଳାତ୍କାର ଓ ହତ୍ୟାକାଣ୍ଡ ପ୍ରସଙ୍ଗରେ ପଶ୍ଚିମବଙ୍ଗରେ କ୍ଷମତାରେ ଥିବା ମମତା ବାନାର୍ଜୀଙ୍କୁ ଭାଜପା ଜୋରଦାର ଆକ୍ରମଣ କରିଛି। ମମତା ବାନାର୍ଜୀଙ୍କୁ ଟାର୍ଗେଟ କରି ଭାଜପା ମୁଖପାତ୍ର ଶାହଜାଦ ପୁନାୱାଲା କହିଛନ୍ତି, ନିକଟରେ ଆମେ ଏକ ଭୟଙ୍କର ବଳାତ୍କାର ଓ ହତ୍ୟା ଦେଖିଛୁ। ସମସ୍ତେ ରାଗିଛନ୍ତି – ଡାକ୍ତର ହୁଅନ୍ତୁ କିମ୍ବା ମହିଳା ହୁଅନ୍ତୁ । ସମସ୍ତେ ରାସ୍ତାରେ ଯାଇ ନ୍ୟାୟ ଦାବି କରୁଛନ୍ତି। ଆର୍.ଜି କର ମେଡିକାଲରେ ଯାହା ଘଟିଥିଲା ତାହା ଉପରେ ସମସ୍ତେ ଉତ୍ତ୍ୟକ୍ତ ଅଛନ୍ତି।
ଶାହଜାଦ ପୁନାୱାଲା କହିଛନ୍ତି, ବଳାତ୍କାରୀଙ୍କୁ ବଞ୍ଚାଇବା ଟିଏମସି ସରକାରଙ୍କ ଏଜେଣ୍ଡା ନୁହେଁ। ସେ ସବୁ ସୀମା ଅତିକ୍ରମ କରିଛନ୍ତି। ଯେଉଁଠାରେ ତାଙ୍କୁ ‘ଏକଛତ୍ରବାଦୀ ଶାସନ’ ସଂସ୍କୃତିର ପ୍ରଚାର କରୁଥିବା ଦଳ ବୋଲି କହିବା ଠିକ ହେବ। କିମ ଜୋଙ୍ଗ ଉନ ଏବଂ ଷ୍ଟାଲିନଙ୍କ ପରି ସବୁଠାରୁ ବଡ ଏକଛତ୍ରବାଦୀ ଶାସକମାନେ ମଧ୍ୟ ମମତା ବାନାର୍ଜୀଙ୍କୁ ଆଶ୍ଚର୍ଯ୍ୟର ସହ ଦେଖିବେ। ଗତ ଦୁଇ ଦିନ ମଧ୍ୟରେ ଯିଏ ସୋସିଆଲ ମିଡିଆରେ ଝିଇଙ୍କ ପାଇଁ କହୁଛନ୍ତି, କୋଲକାତା ପୋଲିସ ସେମାନଙ୍କୁ ଟୁଇଟ୍ ହଟାଇବା ପାଇଁ ଚିଠି ପଠାଉଛି। ଏଥିରୁ ଆପଣ କୋଲକାତା ପୋଲିସର ପ୍ରାଥମିକତା ଦେଖିପାରୁଥିବେ। ପୁନାୱାଲା କହିଛନ୍ତି , ଯଦି ମମତା ବାନାର୍ଜୀଙ୍କର ଟିକିଏ ନୈତିିକତା ବାକି ଅଛି, ତେବେ ସେ ଇସ୍ତଫା ଦେଇଦେବା ଉଚିତ୍।