ମୁମ୍ବାଇ,୨୮।୪: ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ୍)ର ଗୁରୁବାର ମ୍ୟାଚରେ ଦିଲ୍ଲୀ କ୍ୟାପିଟାଲ୍ସ ଅଧିନାୟକ ରିଷଭ ପନ୍ତ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ଏହାକୁ ସଠିକ୍ ପ୍ରମାଣ କରିଥିଲେ ବୋଲର ଚେତନ ସାକାରିଆ। ସାକାରିଆ କୋଲକାତା ନାଇଟ୍ ରାଇଡର୍ସର ଓପନର ଆରୋନ ଫିଞ୍ଚଙ୍କୁ (୩ରନ୍) ଆଉଟ କରି ପ୍ରାରମ୍ଭିକ ଝଟ୍କା ଦେଇଥିଲେ। ପ୍ରାରମ୍ଭରୁ ବ୍ୟାଟିଂ ବିପର୍ଯ୍ୟର ସମ୍ମୁଖୀନ ହୋଇ କୋଲକାତା ନାଇଟ୍ ରାଇଡର୍ସ ନିର୍ଦ୍ଧାରିତ ୨୦ ଉଭରରେ ୯ ଉଇକେଟ ହରାଇ ୧୪୬ ରନ୍ କରିଛି। ଫଳରେ ଦିଲ୍ଲୀ ଆଗରେ ବିଜୟ ୧୪୭ ରନ୍ର ଟାର୍ଗେଟ ଦେଇଛି କୋଲକାତା।
ସେହିପରି ଅନ୍ୟତମ ଓପନର ଭେଙ୍କଟେଶ ଆୟର ମଧ୍ୟ ବିଶେଷ କିଛି କରିପାରି ନ ଥିଲେ। ସେ ମଧ୍ୟ ୬ ରନ୍ କରି ଆଉଟ୍ ହୋଇଯାଇଥିଲେ। ଫଳରେ ଦଳ ସଂକଟରେ ପଡ଼ିଯାଇଥିଲା। ହେଲେ କୋଲକାତା ନାଇଟ୍ ରାଇଡର୍ସର ଅଧିନାୟକ ଶ୍ରେୟସ୍ ଆୟର କିଛି ସମୟ ସ୍ଥିତିକୁ ସମ୍ଭାଳିଥିଲେ। ସେ ମଧ୍ୟ ୩୭ ବଲ୍ରେ ୪୨ରନ୍(୪ ଚଉକା) କରି ଆଉଟ୍ ହୋଇଯାଇଥିଲେ। ଫଳରେ ଦଳ ବ୍ୟାକ୍ଫୁଟକୁ ଚାଳିଯାଇଥିଲା। ଏଭଳି ସ୍ଥିତିରେ ନୀତିଶ ରାଣା ୩୪ ବଲ୍ରେ ୫୭ ରନ୍ର(୩ ଚଉକା ଏବଂ ୪ ଛକା) ଗୁରୁତ୍ୱପୂର୍ଣ୍ଣ ଇନିଂସ୍ ଖେଳିଥିଲେ। ସେହିପରି ରିଙ୍କୁ ସିଂ ୧୬ ବଲରେ ୩୨ ରନ୍ କରିଥିଲେ। ଫଳରେ ଦିଲ୍ଲୀ ୧୪୬ ରନ୍ କରିବାରେ ସକ୍ଷମ ହୋଇଥିଲା।
ଦିଲ୍ଲୀର କୁଲଦୀପ ଯାଦବ ୪ ଉଇକେଟ ନେଇଥିବା ବେଳେ ମୁସ୍ତାଫିଜୁର ରେହମାନ୍ ୩ ଉଇକେଟ୍ ଚେତନ ସାକାରିଆ ଏବଂ ଅକ୍ସର ପଟେଲଏ ଗୋଟିଏ ଲେଖାଏ ଉଇକେଟ ନେବାରେ ସକ୍ଷମ ହୋଇଥିଲେ।