ଅହମ୍ମଦାବାଦ,୨୬।୪ : କିଙ୍ଗ୍ସ ପଞ୍ଜାବୁ ମାତ୍ର ୧୨୩ ରନ୍ରେ ରୋକି ଦେଇଛି କୋଲକାତା ନାଇଟ୍ ରାଇଡର୍ସ (କେକେଆର)। ବୋଲରଙ୍କ ମାପଚୁପ ବୋଲିଂ ଯୋଗୁ ଫେଲ୍ ମାରିଥିଲା ପଞ୍ଜାବର ବ୍ୟାଟିଂ ଲାଇନ ଅପ୍। ଦଳର ୫ ଜଣ ବ୍ୟାଟ୍ସମ୍ୟାନ ଦୁଇ ଅଙ୍କ ଛୁଇଁ ଥିଲେ। ହେଲେ କେହି ଖେଳି ପାରି ନ ଥିଲେ ବଡ଼ ଇନିଂସ। ମୟଙ୍କ ଅଗ୍ରଓ୍ବାଲ ୩୧, କ୍ରିସ ଜୋର୍ଡାନ ୩୦, ଅଧିନାୟକ ଲୋକେଶ ରାହୁଲ ୧୯ ରନ୍ କରିଥିଲେ। କୋଲକାତା ପକ୍ଷରୁ ପ୍ରସିଦ୍ଧ କ୍ରିଷ୍ଣା ୩ ଉଇକେଟ ନେଇଥିବାବେଳେ ପାଟ କୁମିନ୍ସ ଓ ସୁନିଲ ନାରିନ ହାତେଇଥିଲେ ୨ ଲେଖାଏ ଉଇକେଟ।