ଝିଅଙ୍କ ହାତ ଧରିବା, ଏକାଠି ବସିବା ଉପରେ ବ୍ୟାନ ଲଗାଇଲା ଏହି କଲେଜ, ଜାଣନ୍ତୁ ପୂରା ମାମଲା

କୋଲକାତା,୨୮।୬: ଦେଶର ଅଗ୍ରଣୀ ଶିକ୍ଷାନୁଷ୍ଠାନ ମଧ୍ୟରେ ସାମିଲ ଥିବା ପଶ୍ଚିମବଙ୍ଗର କୋଲକାତାର ପ୍ରେସିଡେନ୍ସି କଲେଜ ଛାତ୍ରୀଛାତ୍ରଙ୍କ ପାଇଁ ଏକ ନୂତନ ଆଦେଶ ଜାରି କରିଛି। ଏହି ନିୟମ ଅନୁଯାୟୀ କଲେଜର ଛାତ୍ରୀଛାତ୍ର ଏବେ କ୍ୟାମ୍ପସରେ ଏକାଠି ଏକୁଟିଆ ବସିପାରିବେ ନାହିଁ। ଏପରିକି ସେମାନେ ପରସ୍ପରର ହାତ ଧରି ଚାଲିପାରିବେ ନାହିଁ।

ଏହି ନିଷ୍ପତ୍ତି ବିରୋଧରେ ଛାତ୍ରମାନେ ବିରୋଧ କରିଥିଲେ। ଯାହା ଉପରେ ମଧ୍ୟ କଲେଜ ରୋକ ଲଗାଇଛି। କଲେଜ ପରିଚାଳନା ଦ୍ୱାରା ଜାରି କରାଯାଇଥିବା ଆଚରଣ ସଂହିତା ଆକାରରେ ଏହିପରି ଅନେକ ପ୍ରତିବନ୍ଧକ ଲଗାଯାଇଛି। ଯେଉଁଥିପାଇଁ କୌଣସି ଛାତ୍ର ଧାରଣା ଭଳି କୌଣସି ପ୍ରକାରର ଆନ୍ଦୋଳନ କରିପାରିବେ ନାହିଁ।

କଲେଜର ଏହି ନିଷ୍ପତ୍ତି ବିରୋଧରେ ଛାତ୍ର ସଂଗଠନ ସହିତ ଅନ୍ୟ ଛାତ୍ର ସଂଗଠନ ଏହାକୁ ସ୍ବାଧୀନତାର ଉଲ୍ଲଂଘନ ବୋଲି କହିଛନ୍ତି। ସିପିଏମର ଛାତ୍ର ଏସ୍‌ଏଫ୍‌ଆଇ ଆଚରଣ ସଂହିତାକୁ ବିରୋଧ କରି ଶୁକ୍ରବାର ଡିନ ଅଫ ଷ୍ଟୁଡେଣ୍ଟମାନଙ୍କୁ ଏକ ସ୍ମାରକପତ୍ର ଦାଖଲ କରିଛି।