କୋଲକାତା,୬।୯: କୋଲକାତା ଆର୍.ଜି କର ମେଡିକାଲ କଲେଜ ଏବଂ ହସ୍ପିଟାଲ ପୀଡିତାଙ୍କ ମା’ ଶିକ୍ଷକ ଦିବସରେ ଏକ ଚିଠି ଲେଖି ତାଙ୍କ ଜୀବନର ସମସ୍ତ ଶିକ୍ଷକଙ୍କୁ ଧନ୍ୟବାଦ ଜଣାଇଛନ୍ତି ଏବଂ ନ୍ୟାୟ ସଂଗ୍ରାମ ପାଇଁ ସମାଜରୁ ସହାୟତା ଲୋଡିଛନ୍ତି। ସେ ଚିଠିରେ ଲେଖିଛନ୍ତି-ମୋ ଝିଅ ତରଫରୁ ଶିକ୍ଷକ ଦିବସରେ, ମୁଁ ତାଙ୍କର ସମସ୍ତ ଶିକ୍ଷକଙ୍କୁ ନମସ୍କାର କରୁଛି । ପିଲାଦିନରୁ ତା’ର ଡାକ୍ତର ହେବାର ସ୍ବପ୍ନ ଥିଲା। ଆପଣ ସେହି ସ୍ବପ୍ନର ପଛରେ ପ୍ରେରଣା ଶକ୍ତି । ଅଭିଭାବକ ଭାବରେ ଆମେ ତା ସହିତ ରହିଛୁ । ସେ ନିଜେ ବହୁତ କଠିନ ପରିଶ୍ରମ କରିଥିଲା। ମୋ ଝିଅ କହୁଥିଲା, ମା, ମୋର ଟଙ୍କା ଦରକାର ନାହିଁ । ମୋର ନାମ ସାମ୍ନାରେ ମୋତେ ବହୁତ ଡିଗ୍ରୀ ଦରକାର ଏବଂ କ’ଣ ମୁଁ ଏତେ ରୋଗୀଙ୍କୁ ଭଲ କରିପାରିବି?
ଜଣେ ମା’ ହିସାବରେ ସମସ୍ତ ମେଡିକାଲ କଲେଜ ଶିକ୍ଷକ, ଡାକ୍ତର, ସ୍ବାସ୍ଥ୍ୟ ଅଧିକାରୀ, ନର୍ସିଂ କର୍ମଚାରୀଙ୍କୁ ବିନମ୍ର ଅନୁରୋଧ, ଯଦି ଆପଣଙ୍କର କୌଣସି ସୂଚନା ଏବଂ ପ୍ରମାଣ ଅଛି, ଦୟାକରି ଏହାକୁ ଆଗକୁ ଆଣନ୍ତୁ । କାରଣ ମୁଁ ଅନୁଭବ କରୁଛି ଯେ କିଛି ଭଲ ଲୋକଙ୍କ ନୀରବତା ଅପରାଧୀଙ୍କ ସାହାସକୁ ବଢାଇଥାଏ। ମେଡିକାଲ ସୋସାଇଟି ଏବଂ ସାଧାରଣ ଲୋକଙ୍କ ଆନ୍ଦୋଳନ ସହିତ ଛିଡା ହେବା ଏବଂ ଝିଅ ପାଇଁ ନ୍ୟାୟ ଆଶା କରିବା ସହିତ ଶିକ୍ଷକ ଦିବସରେ ସମସ୍ତ ଶିକ୍ଷକଙ୍କୁ ନମସ୍କାର ।