ଭୁବନେଶ୍ୱର,୧୨।୧୨: କୋଣାର୍କ ଇନ୍ଫ୍ରାକୋରର ୨ୟ ଉତ୍କର୍ଷ କେନ୍ଦ୍ର ସମ୍ବଲପୁରରେ ଉଦଘାଟିତ ହୋଇଯାଇଛି। ଏପରିକି ଭୁବନେଶ୍ୱରର ଦ ଗ୍ରାଣ୍ଡ ଶିବା ହୋଟେଲରେ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ କମ୍ପାନୀର ୨ୟ ‘ଏକ୍ସିଲେନ୍ସ ସେଣ୍ଟର ବା ଉତ୍କର୍ଷ କେନ୍ଦ୍ର’ର ଉଦ୍ଘାଟନ ସମ୍ପର୍କରେ ଘୋଷଣା କରାଯାଇଥିଲା। ଏ ସମ୍ପର୍କରେ କୋଣାର୍କ ଇନ୍ଫ୍ରାକୋର୍ର ପରିଚାଳନା ନିର୍ଦ୍ଦେଶକ କୌଶିକ ଦାସ କହିଛନ୍ତି, ଏକ ସମ୍ମାନିତ ଡିଲର କମ୍ପାନୀ ଭାବେ କୋଣାର୍କ ଇନ୍ଫ୍ରାକୋର ସର୍ବଦା ନିଜ ଗ୍ରାହକଙ୍କୁ ସେମାନଙ୍କ ବ୍ୟବସାୟ ପାଇଁ ସର୍ବୋତ୍ତମ ଉପତ୍ାଦ ଯୋଗାଇବା ଦିଗରେ କାର୍ଯ୍ୟ କରୁଛି। ଏହି ଲକ୍ଷ୍ୟକୁ ଧ୍ୟାନରେ ରଖି ଆମର ଲିୟୁଗୋଙ୍ଗ ଇଣ୍ଡିଆ ଉପକରଣ ସହିତ ଆମେ ଆମର ଗ୍ରାହକଙ୍କୁ ସେବା ଯୋଗାଇବା ସମେତ ସ୍ଥାନୀୟ ଚାହିଦାକୁ ପୂରା କରିବା ଲାଗି ପ୍ରୟାସ ଜାରି ରଖିଛୁ। ବିଶେଷକରି ପଶ୍ଚିମ ଓଡ଼ିଶାର ଖଣି ଶିଳ୍ପ ପାଇଁ ଆମେ ଏହି ମଡେଲ କେନ୍ଦ୍ର ବିକଶିତ କରିଛୁ।
ସେହିଭଳି ଲିୟୁଗୋଙ୍ଗ ଇଣ୍ଡିଆର ସେଲ୍ସ ଏବଂ ମାର୍କେଟିଙ୍ଗ ବିଭାଗର ଉପାଧ୍ୟକ୍ଷ ନିଶ୍ଚଳ ମେହରୋତ୍ରା କହିଛନ୍ତି,ଏହି ନୂତନ ଉତ୍କର୍ଷ କେନ୍ଦ୍ର ମାଧ୍ୟମରେ ଆମେ ଉକ୍ତ ବିଭାଗର ଉପକରଣ ବଜାରରେ ନିଜ ସ୍ଥିତିକୁ ଆହୁରି ମଜଭୁତ କରିବୁ। ଏପରିକି ଆସନ୍ତା ଜାନୁୟାରୀ ୩୧ରେ ‘ବୌମା କନ୍ ଏକ୍ସପୋ ଇଣ୍ଡିଆ ୨୦୨୩’ ରେ ଇଲେକ୍ଟ୍ରିକ ହୁଇଲ ଲୋଡ଼ରର ଶୁଭାରମ୍ଭ ସହ ଲିୟୁଗୋଙ୍ଗ ଇଣ୍ଡିଆ ପୁଣିଥରେ ଭାରତର ହୁଇଲ ଲୋଡର ବଜାରରେ ପ୍ରତିଦ୍ୱନ୍ଦ୍ୱିତା କରିବା ପାଇଁ ପ୍ରସ୍ତୁତ ହୋଇଯାଇଛି ା ଏହି ପରିପ୍ରେକ୍ଷୀରେ ସମ୍ବଲପୁର, ଝାରସୁଗୁଡ଼ା, ରାଉରକେଲା, ବରଗଡ଼ ଏବଂ ବଲାଙ୍ଗୀର ଜିଲାର ପ୍ରମୁଖ ବ୍ୟାଙ୍କଗୁଡ଼ିକର କାର୍ଯ୍ୟନିର୍ବାହୀ ଅଧିକାରୀ ଏବଂ କୋଣାର୍କ ଇନ୍ଫ୍ରାକୋରର ବିଦ୍ୟମାନ ଗ୍ରାହକମାନେ ମଧ୍ୟ ଉପସ୍ଥିତ ଥିଲେ ।
