କୋରାପୁଟ,୭/୧(ଅମିତାଭ ବେହେରା)- କୋରାପୁଟ ଜିଲାପାଳଙ୍କ କାର୍ଯ୍ୟାଳୟ ସଭାଗୃହରେ ସ୍ବତନ୍ତ୍ର ସଂକ୍ଷିପ୍ତ ସଂଶୋଧନ ୨୦୨୫କୁ ନେଇ ଏକ ଖବରଦାତା ସମ୍ମିଳନୀ କରାଯାଇ ଜିଲାର ଚୂଡ଼ାନ୍ତ ଭୋଟର ତାଲିକା ପ୍ରକାଶ କରାଯାଇଛି। କୋରାପୁଟ ଜିଲାପାଳ ଭି.କୀର୍ତ୍ତିଭାସନ ଅଧ୍ୟକ୍ଷତା କରି ଚଳିତ ବର୍ଷ ଜାନୁଆରୀ ୫ ସୁଦ୍ଧା ଜିଲାରେ ୯ ଲକ୍ଷ ୮୯ ହଜାର ୫୪୭ ଭୋଟର ଥିବା ସୂଚନା ଦେଇଛନ୍ତି। ଜିଲାରେ ୪,୭୭,୩୬୯ ପୁରୁଷ,୫,୧୨,୦୯୦ ମହିଳା ଏବଂ ୮୮ କିନ୍ନର ଭୋଟର ରହିଛନ୍ତି। ତାଲିକାରେ ୮ ହଜାର ୯୪୭ ନୂତନ ଭୋଟର ରହିଛନ୍ତି। ଲକ୍ଷ୍ମୀପୁର ନିର୍ବାଚନ ମଣ୍ଡଳୀରେ ୧,୭୬,୧୦୯ ଭୋଟର ଥିବା ବେଳେ ଏଥିରେ ୮୩, ୩୯୯ ପୁରୁଷ ଏବଂ ୯୨, ୬୮୮ ମହିଳା ଓ ୨୨ କିନ୍ନର ଭୋଟର ଅଛନ୍ତି। କୋଟପାଡ଼ରେ ୨,୧୧, ୨୯୦ ଭୋଟର ଥିବା ବେଳେ ୧,୨,୩୬୯ ପୁରୁଷ,୧,୮,୯୧୧ ମହିଳା ଏବଂ ୧୦ କିନ୍ନର ଭୋଟର ଅଛନ୍ତି। ଜୟପୁର ନିର୍ବାଚନ ମଣ୍ଡଳୀରେ ୨, ୧୬, ୬୪୭ ଭୋଟରଙ୍କ ମଧ୍ୟରୁ ୧, ୪,୫୯୪ ପୁରୁଷ,୧, ୧୨ ହଜାର ୧୬ ମହିଳା ଏବଂ ୩୭ ଜଣ କିନ୍ନର ଭୋଟର ରହିଛନ୍ତି। କୋରାପୁଟ ନିର୍ବାଚନ ମଣ୍ଡଳୀରେ ୧,୯୫,୧୭୫ ଭୋଟର ଥିବା ବେଳେ ଏଥିରେ ୯୫,୦୪୮ ପୁରୁଷ,୧ ଲକ୍ଷ ୧୧୫ ମହିଳା ଏବଂ ୧୨ କିନ୍ନର ଭୋଟର ଅଛନ୍ତି। ପଟ୍ଟାଙ୍ଗୀ ନିର୍ବାଚନ ମଣ୍ଡଳୀରେ ୧,୯୦,୩୨୬ ଭୋଟର ଥିବା ବେଳେ ଏଥିରେ ୯୧,୯୫୯ ପୁରୁଷ, ୯୮,୩୬୦ ମହିଳା ଏବଂ ୭ କିନ୍ନର ଭୋଟର ଅଛନ୍ତି। ୧୭,୨୬୪ ଯୁବ ଓ ୧୬,୧୫୪ ଜଣ ଭିନ୍ନକ୍ଷମ ଭୋଟର ରହିଛନ୍ତି। କାର୍ଯ୍ୟକ୍ରମରେ ଅତିରିକ୍ତ ଜିଲାପାଳ ଆଲୋକମଣି ସେଠୀ ଓ ଲଗ୍ନଜିତ ରାଉତ, କୋରାପୁଟ ଉପଜିଲାପାଳ ବେଣୁଧର ଶବର, ଜିଲା ନିର୍ବାଚନ ଅଧିକାରୀ ଦେବେନ୍ଦ୍ର କୁମାର ରାଉତ,ଜିଲା ସୂଚନା ଓ ଲୋକ ସମ୍ପର୍କ ଅଧିକାରୀ ସ୍ବରାଜ୍ୟ ଶୀସା, ଜିଲା ନିର୍ବାଚନ କାର୍ଯ୍ୟାଳୟର ଅନୁପମ ମହାରଣା, କୃଷ୍ଣଚନ୍ଦ୍ର ପ୍ରଧାନ, ଜି. ସନ୍ତୋଷ କୁମାର ରାଓ ଏବଂ ପ୍ରକାଶ ସାହୁ ପ୍ରମୁଖ ଉପସ୍ଥିତ ଥିଲେ।
