କୋରାପୁଟ,୯।୫(ଡି.ଏନ.ଏ.): କେନ୍ଦ୍ର ଓ ରାଜ୍ୟ ସରକାରଙ୍କ କୋରାପୁଟ ଜିଲା ପ୍ରତି ଚରମ ଅବହେଳାକୁ ବିରୋଧ କରି ଜିଲା କଂଗ୍ରେସ କମିଟି ପକ୍ଷରୁ ମଙ୍ଗଳବାର ୧୨ ଘଣ୍ଟିଆ କୋରାପୁଟ ଜିଲା ବନ୍ଦ ଡାକରା ଦିଆଯାଇଛି। ସକାଳ ୬ରୁ ସା ୬ଯାଏ ଚକ ଅଖ ସହ ସମସ୍ତ ଦୋକାନ ବଜାର ଓ ସରକାରୀ କାର୍ଯ୍ୟାଳୟ ବନ୍ଦ ରଖିବାକୁ ଆହ୍ବାନ ଦେଇଛି ଦଳ। କୋରାପୁଟ ଜିଲା ଜୟପୁରଠାରେ କେନ୍ଦ୍ରୀୟ ବିଦ୍ୟାଳୟ ପ୍ରତିଷ୍ଠା, କେନ୍ଦ୍ରୀୟ ଡ୍ରାଇଭିଂ ତାଲିମ ଗବେଷଣା କେନ୍ଦ୍ର ସ୍ଥାପନ, କୋରାପୁଟ ଜିଲାର ଯୁବକ ଯୁବତୀମାନଙ୍କୁ ଜିଲା ଭିତ୍ତିକ ନିଯୁକ୍ତି ପ୍ରଦାନ, କୋରାପୁଟଠାରେ ବନ୍ଦ ହୋଇ ରହିଥିବା ବିଇଡି କଲେଜକୁ ୧୦୦ ଶିଟ ବିଶିଷ୍ଟ କରି ପୂର୍ଣ୍ଣବାର ଚାଲୁ କରିବା ଆଦି ଦାବି ରହିଛି। କୋରାପୁଟ ଟ୍ରାଫିକ ଛକଠାରେ କଂଗ୍ରେସ ଜିଲା ସଭାପତି ମିନାକ୍ଷୀ ବାହିନୀପତିଙ୍କ ନେତୃତ୍ୱରେ ଆୟୋଜିତ ଏହି ବନ୍ଦ ଡାକରାରେ ପୂର୍ବତନ ବିଧାୟକ ନିମାଇଁ ସରକାର. କୃଷ୍ଣ କୁଲଦୀପ, ରୂପକ ତୁରୁକ, ଜଗଦିଶ ଖୋସଲା, ପୂର୍ବତନ ପୌରାଧକ୍ଷ ଭଗବାନ ବାହିନୀପତି. ବାବୁଲା ବେନିଆଙ୍କ ସମେତ ବହୁ କଂଗ୍ରେସ କର୍ମୀ୨୬ ନମ୍ବର ଜାତୀୟ ରାଜପଥ ଅବରୋଧ କରି ଉଭୟ ସରକାର ବିରୋଧରେ ସ୍ଲୋଗାନମାନ ଦେଇଥିଲେ। ଏହି ବନ୍ଦ ସମୟରେ ଜରୁରୀ କାଳୀନ ସୁବିଧାକୁ ଛାଡି ଦେଲେ ଆଉ ସବୁ ବନ୍ଦ ରହିଛି l
