କୋଟପାଡ଼,୮ା୧୧ (ଡି.ଏନ.ଏ.): କୋରାପୁଟ ଜିଲା କୋଟପାଡ଼ ଅଞ୍ଚଳର ପ୍ରାଞ୍ଜଳ ପାତ୍ର ଆନ୍ତଃ ରାଜ୍ୟସ୍ତରୀୟ ମିସ୍ ଇଣ୍ଡିଆ ପ୍ରତିଯୋଗିତାରେ ଅଂଶଗ୍ରହଣ କରି ଫାଇନାଲରେ ପ୍ରବେଶ କରିଛନ୍ତି। ସେ ଗତ କିଛିଦିନ ପୂର୍ବେ ପ୍ରଥମେ ଜିରୋନ ପ୍ରଡକ୍ସନର ମିସ୍ ଇଣ୍ଡିଆ ପ୍ରତିଯୋଗିତାରେ ଅଂଶଗ୍ରହଣ କରି ସେମିଫାଇନାଲକୁ ଉନ୍ନୀତ ହୋଇ ଜିଲା ତଥା ରାଜ୍ୟ ପାଇଁ ସୁନାମ ଆଣିଥିଲେ। ଏବେ ଗତ ୨ ଓ ୩ ରେ ଗୋଆଠାରେ ଫ୍ୟାଶନ ଶୋ ପ୍ରତିଯୋଗିତାରେ ଅଂଶଗ୍ରହଣ କରି ୩୦ ଜଣଙ୍କୁ ପଛରେ ପକାଇ ଫାଇନାଲରେ ପ୍ରବେଶ କରିଛନ୍ତି। ଉକ୍ତ ପ୍ରତିଯୋଗିତାରେ ବିଭିନ୍ନ ରାଜ୍ୟରୁ ପ୍ରତିଯୋଗୀମାନେ ଅଂଶଗ୍ରହଣ କରିଥିଲେ। ଆଗାମୀ ଦିନରେ ଶ୍ରୀଲଙ୍କାର କଲମ୍ବୋଠାରେ ବିଙ୍ଗ୍ସ ପ୍ରଡକ୍ସନ ହାଉସ ପକ୍ଷରୁ ମିସ୍ ଇଣ୍ଟର ନ୍ୟାଶନାଲ ପ୍ରତିଯୋଗିତା ଅନୁଷ୍ଠିତ ହେବ। ସେଥିରେ ଅଂଶଗ୍ରହଣ କରି ବିଜୟୀ ହେବା ଆଶା ରଖିଛନ୍ତି ପ୍ରାଞ୍ଜଳ। କୋଟପାଡ଼ ଅଞ୍ଚଳର ବରିଷ୍ଠ ଆଇନଜୀବୀ ପଙ୍କଜ ପାତ୍ର ଓ ପ୍ରତିମା ପାତ୍ରଙ୍କ ଝିଅ ପ୍ରାଞ୍ଜଳ ଯୁକ୍ତ୩ ରେ ଉତ୍ତୀର୍ଣ୍ଣ ହୋଇ ଉଚ୍ଚଶିକ୍ଷା ଲାଭ କରୁଛନ୍ତି। ଫ୍ୟାଶନ ଓ କଳା କ୍ଷେତ୍ରରେ ରୁଚି ରଖି ଆଗକୁ ବଢୁଥିବା ପ୍ରାଞ୍ଜଳ ଆଗାମୀ ଦିନରେ ଫାଇନାଲରେ ଅଂଶଗ୍ରହଣ କରି କୋରାପୁଟ ତଥା ରାଜ୍ୟ ପାଇଁ ଗୌରବ ଆଣିବି ବୋଲି କହିଛନ୍ତି।
