ସିଓଲ, ୨୨ା୬ : କୋରିଆର ଖ୍ୟାତନାମା ଗାୟକ ଚୋଇ ସୁଙ୍ଗ୍-ବୋଙ୍ଗ୍ ତାଙ୍କ ବାସଭବନରେ ମଙ୍ଗଳବାର ଆତ୍ମହତ୍ୟା କରିଛନ୍ତି। ୨୦୧୧ରେ କୋରିଆ ଗଟ୍ ଟ୍ୟାଲେଣ୍ଟ ପ୍ରତିଯୋଗିତାରେ ସେ ଦ୍ୱିତୀୟ ସ୍ଥାନ ହାସଲ କରିବା ପରେ ଖ୍ୟାତି ଅର୍ଜନ କରିଥିଲେ। ସେ କୋରିଆର ବୋଙ୍ଗ ବୋଙ୍ଗ କମ୍ପାନୀ ସହ ବହୁତ ବଡ଼ ଡିଲ୍ କରିଥିଲେ। ଯୁବାବସ୍ଥାରୁ ଇଣ୍ଟରନେଟ୍ ଖ୍ୟାତି ପର୍ଯ୍ୟନ୍ତ ତାଙ୍କ ଯାତ୍ରା ସ୍ମୃତି ଉପରେ ଚୋଇ ପ୍ରକାଶ କରିଥିବା ପୁସ୍ତକ ସର୍ବାଧିକ ବିକ୍ରି ହୋଇଥିଲା। ସେ କ୍ୟାନ୍ସରର ପୀଡ଼ିତ ବୋଲି ଦର୍ଶାଇ ଚିକିତ୍ସା ନିମନ୍ତେ ଅର୍ଥ ସଂଗ୍ରହ ପାଇଁ ଫଣ୍ଡରେଜିଂ କ୍ୟାମ୍ପେନ୍ କରିଥିଲେ। ମିଛ ଜଣାପଡ଼ିବାରୁ ସେ ଭୁଲ୍ ସ୍ବୀକାର କରିବା ସହ ସଂଗୃହୀତ ଚାନ୍ଦା ଫେରାଇବା ପ୍ରତିଶ୍ରୁତି ଦେଇଥିଲେ।