ବରଗଡ଼ ଅଫିସ, ୭।୯: ସ୍ବତନ୍ତ୍ର କୋଶଲ ପ୍ରଦେଶ ଗଠନ ଦାବିରେ ଆନ୍ଦୋଳନ ତୀବ୍ର ହେବାରେ ଲାଗିଛି। କୋସଲ ସେନା ପକ୍ଷରୁ ଦିଆ ଯାଇଥିବା କୋସଲ ମହାବନ୍ଦ ଡାକରାକୁ ବୁଧବାର ବରଗଡ଼ ଜିଲାରେ ସ୍ବତଃସ୍ଫୁର୍ତ୍ତ ସମର୍ଥନ ମିଳିଛି। ସକାଳ ୬ଟାରୁ ଦୋକାନ ବଜାର ବନ୍ଦ ରହିଛି। ସେହିପରି ଗାଡି ଚଳାଚଳ ଠପ୍ ପଡିଯାଇ ଥିବାଯୋଗୁ ରାସ୍ତାଘାଟ ଶୂନଶାନ ହୋଇ ପଡିଛି। କୋସଲ ସେନାର କର୍ମୀମାନେ ବିଭିନ୍ନ ସ୍ଥାନରେ ପିକେଟିଂ କରୁଥିବା ଦେଖିବାକୁ ମିଲିଛି। ଜରୁରୀ କାଳୀନ ସେବାକୁ ଛାଡ଼ି ଦେଲେ ଅନ୍ୟ ସବୁ ସରକାରୀ, ବେସରକାରୀ ଅଫିସ ଗୁଡିକୁ ବନ୍ଦ କରି ଦିଆଯାଇଛି । କୋସଲ ମହାବନ୍ଦ ଆନ୍ଦୋଳନକୁ କଂଗ୍ରେସ, ଓକିଲ ସଂଘ, ବଣିକ ସଂଘ, ପଶ୍ଚିମ ଓ ଯୁବାମଞ୍ଚ, ମୋଟର ଚାଳକ ସଂଘ ସମେତ ବିଭିନ୍ନ ସଂଗଠନ ସମର୍ଥନ କରିଛନ୍ତି। ଅନ୍ୟପକ୍ଷରେ ଆନ୍ଦୋଳନ ଯୋଗୁ ଜୀବନଯାତ୍ରା ପ୍ରଭାବିତ ହୋଇଛି।
