ଭୁବନେଶ୍ୱର, ୧।୧୦(ସ୍ପୋଟର୍ସ ବ୍ୟୁରୋ)- ଚଳିତ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ)ରେ ଦିଲ୍ଲୀ କ୍ୟାପିଟାଲ୍ସ, କିଙ୍ଗ୍ସ ଇଲେଭେନ ପଞ୍ଜାବ, କୋଲକାତା ନାଇଟ ରାଇଡର୍ସ, ମୁମ୍ବାଇ ଇଣ୍ଡିଆନ୍ସ, ରାଜସ୍ଥାନ ରୟାଲ୍ସ ଓ ସନ୍ରାଇଜର୍ସ ହାଇଦ୍ରାବାଦ ଆଦି ୬ଟି ଦଳ ସହିତ କୋଟାକ ମହିନ୍ଦ୍ରା ବ୍ୟାଙ୍କ ଏହାର ସହଭାଗିତା ଘୋଷଣା କରିଛି। ଅନୁଷ୍ଠାନ ପକ୍ଷରୁ ମାଇଁଟିମ୍ ଡେବିଟ ଓ କ୍ରେଡିଟ କାର୍ଡ ପ୍ରଚଳନ କରାଯାଇଛି। କୋଟାକ କ୍ରିକେଟ ସଂସ୍କରଣ ବର୍ଗର ଡେବିଟ ଓ କ୍ରେଡିଟ କାର୍ଡଗୁଡ଼ିକରେ ଖେଳାଳିମାନଙ୍କର ଚିତ୍ର, ଦଳର ଲୋଗୋ, ୱାଟରମାର୍କ, ଆନୁଷ୍ଠାନିକ ପତାକା ଆଦି ସ୍ଥାନୀତ ହୋଇଛି। ”କ୍ରିକେଟ ଭାରତୀୟଙ୍କ ହୃଦୟରେ ରହିଛି ଏବଂ କୋଟି କୋଟି ସମର୍ଥକ ଏହାକୁ ଅତି ଆଗ୍ରହର ସହିତ ଅନୁସରଣ କରନ୍ତି। ଚଳିତ ବର୍ଷ ବିଶେଷ ପରିସ୍ଥିତି ଯୋଗୁ କ୍ରିକେଟ ଖେଳର ଉତ୍କଣ୍ଠା ଏବଂ ଏହାପ୍ରତି ଆଗ୍ରହ ଭିନ୍ନଏକ ସ୍ତରରେ ରହିଛି। ଏହି ପରିପ୍ରେକ୍ଷୀରେ ଆମେ ୬ଟି ଶକ୍ତିଶାଳୀ ଦଳ ସହିତ ସହଭାଗିତା କରୁଛୁ ଏବଂ ମାଇଁଟିମ୍ ଡେବିଟ ଓ କ୍ରେଡିଟ କାର୍ଡ ପ୍ରଚଳନ କରୁଛୁ। ଭାରତର କ୍ରିକେଟପ୍ରେମୀମାନେ ଏବେ ପକେଟରେ ସେମାନଙ୍କ ପ୍ର୍ରିୟ କ୍ରିକେଟ ଦଳର ଏକ ସ୍ମୃତି ରଖିପାରିବେ ଏବଂ ପ୍ରତିଥର ସ୍ବାଇପ୍ରେ ସେମାନଙ୍କର ଲୟାଲଟି ଯୋଗ କରିପାରିବେ“ ବୋଲି କୋଟାକ ମହିନ୍ଦ୍ରା ବ୍ୟାଙ୍କ ଲିମିଟେଡର ପରିଚାଳନା ନିର୍ଦ୍ଦେଶକ ଏବଂ ସିଇଓ ଉଦୟ କୋଟାକ କହିଛନ୍ତି।
