ମୁମ୍ବାଇ: ବଲିଉଡ୍ ଦୁନିଆରେ ସମସ୍ତଙ୍କ ଦିଲ୍ରେ ରାଜ କରୁଥିବା ଅଭିନେତ୍ରି କ୍ରିତି ସାନନ ଆଜି ତାଙ୍କର ଜନ୍ମଦିନ ପାଳନ କରିଛନ୍ତି । ହେଲେ ତାହା କୌଣସି ସ୍ପେଶାଲ ପାର୍ଟିରେ ନୁହେଁ ବରଂ ଗଣମାଧ୍ୟମ ସାମ୍ନାରେ ସେ ଏଥର ତାଙ୍କ ଜନ୍ମଦିନ ପାଳନ କରିଛନ୍ତି । ଏକ ହଳଦିଆ ରଙ୍ଗର ଡ୍ରେସରେ ଖୁବ୍ ଗର୍ଜିୟସ ଲାଗୁଥିବା କ୍ରିତି ଗଣମାଧ୍ୟମ ସାମ୍ନାରେ କେକ୍ କାଟି ବାର୍ଥ ଡେ’ ସେଲିବ୍ରେଟ କରିଛନ୍ତି । ୧୯୯୦ରେ ଦିଲ୍ଲୀରେ ଜନ୍ମ ନେଇଥିବା କ୍ରିତି ନଏଡାରେ ତାଙ୍କ ଶିକ୍ଷା ସମାପ୍ତ କରିଛନ୍ତି । ପ୍ରଥମେ ଦକ୍ଷିଣ ଭାରତୀୟ ଫିଲ୍ମରୁ କ୍ୟାରିୟର ଆରମ୍ଭ କରିଥିବା କ୍ରିତି ବଲିଉଡ୍ରେ ଫିଲ୍ମ ହିରୋପନ୍ତିରେ ଡେବ୍ୟୁ କରିଥିଲେ । ଯାହାକୁ ପ୍ରଶଂସକ ଖୁବ୍ ପସନ୍ଦ କରିଥିଲେ । ଏହାପରେ ସେ ବଲିଉଡ୍ରେ କାମ କରି ଚାଲିଛନ୍ତି । ନିକଟରେ ତାଙ୍କ ଅଭିନୀତ ଫିଲ୍ମ ‘ମିମି’ ରିଲିଜ୍ ହୋଇଛି । ଏହା ଦର୍ଶକଙ୍କ ମନକୁ ବେଶ ଛୁଇଁଛି ବୋଲି ଆଲୋଚନା ହେଉଛି ।
