ବମ୍ବେ: ଘର ଖୋଜୁଥିଲେ ବଲିଉଡ୍ ଅଭିନେତ୍ରୀ କ୍ରିତି ସେନନ। ଚାରିଆଡେ ଖୋଜି ଖୋଜି ଥକି ଯାଇଥିଲେ ହେଁ ମନଲାଖି ଘର ଖଣ୍ଡିଏ ମିଳୁ ନ ଥିଲା। ଶେଷରେ ମୁମ୍ବାଇର ଅନ୍ଧେରୀ ଅଞ୍ଚଳରେ ଏକ ନୂଆ ଡୁପ୍ଲେକ୍ସକୁ ଘରଭଡ଼ାରେ ନେଇଛନ୍ତି କ୍ରିତି। ଯେଉଁ ଘରେ ସେ ଭଡ଼ାରେ ରହିବେ ସେ ଆଉ କାହାର ନୁହେଁ ବରଂ ବଲିଉଡ୍ ମହାନାୟକ ଅମିତାଭ ବଚ୍ଚନଙ୍କର।
ଅମିତାଭଙ୍କ ଆପାର୍ଟମେଣ୍ଟ ମୁମ୍ବାଇର ଅନ୍ଧେରୀ ଅଞ୍ଚଳରେ ରହିଛି। ଗୋଟିଏ ଦେଖାରେ ଏହି ଘର କ୍ରିତିଙ୍କୁ ପସନ୍ଦ ଆସିଥିଲା। ଖୁବ୍ଶୀଘ୍ର ସେ ଏଠାକୁ ଶିଫ୍ଟ ହେବେ ବୋଲି ଜଣାପଡ଼ିଛି।
ଫିଲ୍ମ ବିଷୟରେ କଥା ହେଲେ , କ୍ରିତି ସାଉଥ ଷ୍ଟାର୍ ପ୍ରଭାସଙ୍କ ସହ ‘ଆଦିପୁରୁଷ’ରେ ନଜର ଆସିବେ। ଏହାଛଡ଼ା ଅକ୍ଷୟ କୁମାରଙ୍କ ସହ ‘ବଚ୍ଚନ ପାଣ୍ଡେ’ ଏବଂ ବରୁଣ ଧଓ୍ବନଙ୍କ ସହ ‘ଭେଡିଆ’ରେ କାମ କରୁଛନ୍ତି।
