ଦକ୍ଷିଣ ଫିଲ୍ମର ସୁପରଷ୍ଟାର ତଥା ‘ବାହୁବଳୀ’ପ୍ରଭାସଙ୍କ ଫିଲ୍ମ ‘ଆଦିପୂରୁଷ’ ଏବେ ଚର୍ଚ୍ଚାରେ ରହିଛି। ଫିଲ୍ମର ଘୋଷଣା ପରଠାରୁ ପ୍ରଭାସଙ୍କ ପ୍ରଶଂସକଙ୍କ ମଧ୍ୟରେ କ୍ରେଜ୍ ବଢ଼ିଯାଇଛି। ତେବେ ଫିଲ୍ମରେ ପ୍ରଭାସଙ୍କ ବିପକ୍ଷରେ ଅଭିନେତ୍ରୀ କ୍ରିତି ସେନନ ସୀତା ଭୂମିକାରେ ଅଭିନୟ କରିବେ ବୋଲି ଏବେ ଜଣାପଡ଼ିଛି। ଏଥିସହ ଫିଲ୍ମ ‘ପ୍ୟାର କା ପଞ୍ଚନାମା’ ର ଅଭିନେତା ସନ୍ନି ସିଂହ ଲକ୍ଷ୍ମଣ ଚରିତ୍ରରେ ଅଭିନୟ କରିବେ। ଶୁକ୍ରବାର ସକାଳେ ଫିଲ୍ମ ନିର୍ମାତାଙ୍କ ପକ୍ଷରୁ ଆନୁଷ୍ଠାନିକ ଭାବେ ଏହାର ଘୋଷଣା କରାଯାଇଛି। ଏ ନେଇ କ୍ରିତି ମଧ୍ୟ ନିଜ ଇନ୍ଷ୍ଟାଗ୍ରାମ୍ ସାଇଟ୍ରେ ଲେଖି ଜଣାଇଛନ୍ତି। ସେ ଲେଖିଛନ୍ତି, ଏକ ନୂତନ ଯାତ୍ରାର ଆରମ୍ଭ। ଏହା ମୋ ପାଇଁ ସବୁଠାରୁ ସ୍ବତନ୍ତ୍ର ବୋଲି କ୍ରିତି ଲେଖିଛନ୍ତି।