ମୁମ୍ବାଇ: ବଲିଉଡର ସ୍ବିଟ କପଲ କ୍ରିତି ଖରବନ୍ଦା ଏବଂ ପୁଲକିତ ସମ୍ରାଟ ଦୀର୍ଘ ଦିନ ଧରି ପରସ୍ପରକୁ ଡେଟ କରୁଥିଲେ। ମଙ୍କଳବାର, ଜାନୁଆରୀ ୩୦ରେ, ଏହି ଦମ୍ପତିଙ୍କର ଏନଗେଜମେଣ୍ଟ ହୋଇଛି। ସୋସିଆଲ ମିଡିଆରେ କ୍ରିତି ଏବଂ ପୁଲକିତଙ୍କ ଏନଗେଜମେଣ୍ଟର ଫଟୋ ସାମ୍ନାକୁ ଆସିଛି। ଏହି ଦମ୍ପତି ସେମାନଙ୍କ ପରିବାର ସହିତ ଏନଗେଜମେଣ୍ଟ କରାଇଛନ୍ତି। ଫଟୋ ସୋସିଆଲ ମିଡିଆରେ ଆସିବା ମାତ୍ରେ ପ୍ରଶଂସକମାନେ ଏହି ଦମ୍ପତିଙ୍କୁ ଅଭିନନ୍ଦନ ଜଣାଇବା ଆରମ୍ଭ କରିଛନ୍ତି। କ୍ରିତି ଏବଂ ପୁଲକିତ ଫିଲ୍ମ ଦୁନିଆର ସବୁଠାରୁ କ୍ୟୁଟ ଲଭବାର୍ଡ ମଧ୍ୟରୁ ଅନ୍ୟତମ। ଏହି ଦମ୍ପତିଙ୍କ ବିବାହକୁ ନେଇ କିଛି ସମୟ ଧରି କଳ୍ପନାଜଳ୍ପନା କରାଯାଇଥିଲା। ବର୍ତ୍ତମାନ ଉଭୟ ଏହାକୁ ମୋହର ଲଗାଇଛନ୍ତି। ଏହି ଦମ୍ପତି ସେମାନଙ୍କ ରୋକା ସମାରୋହର ଫଟୋ ଶେୟାର କରି ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି।
ରିୟା ଲଥରା ନାମକ ଏକ ଇନଷ୍ଟାଗ୍ରାମ ହ୍ୟାଣ୍ଡେଲରେ କ୍ରିତି ଖରବନ୍ଦା ଏବଂ ପୁଲକିତ ସମ୍ରାଟଙ୍କ ଏନଗେଜମେଣ୍ଟ ଫଟୋ ଶେୟାର କରାଯାଇଛି। ଫଟୋରେ ଉଭୟ କ୍ରିତି ଏବଂ ପୁଲକିତ ଏଥେନିକ ଆଉଟଫିଟରେ ନଜର ଆସିଛନ୍ତି। ଏହି ଦମ୍ପତି ପରିବାର ସହିତ ରୋକା ସମାରୋହ କରିଥିଲେ। ଦୁହେଁ ନିଜ ରିଙ୍ଗକୁ ଦେଖାଇଛନ୍ତି। ଫଟୋ ଗୁଡ଼ିକରେ କ୍ରିତି ଗୋଲଡେନ ବର୍ଡର ବାଲା ରୟାଲ ନୀଳ ରଙ୍ଗର ଅନାରକଲି ଶୁଟରେ ବହୁତ ସୁନ୍ଦର ଲାଗୁଥିଲେ, ଏହାକୁ ସେ ଜାଲିଦାର ଦୁପଟ୍ଟା ସହିତ ପିନ୍ଧିଥିଲେ। ସେ ତାଙ୍କ କେଶ ଖୋଲା ଛାଡିଥିଲେ। ଅନ୍ୟପକ୍ଷରେ, ପୁଲକିତ ଧଳା କୁର୍ତ୍ତାରେ ବହୁତ ସୁନ୍ଦର ଦେଖାଯାଉଥିଲେ।