ପୁଣେ,୨୩।୩: ଅଲରାଉଣ୍ଡର କ୍ରୁନାଲ ପାଣ୍ଡ୍ୟା ପଦାର୍ପଣ ମ୍ୟାଚ୍ରେ ଖେଳିଛନ୍ତି ଅପରାଜିତ ୫୮ରନ୍ର ଅର୍ଦ୍ଧଶତକୀୟ ପାଳି। ୨୬ ବଲରେ ଅର୍ଦ୍ଧଶତକ ପୂରଣ କରିଥିବା କ୍ରୁନାଲ ଏକ ସ୍ବତନ୍ତ୍ର ରେକର୍ଡର ଅଧିକାରୀ ହୋଇଛନ୍ତି। ଅନ୍ତର୍ଜାତୀୟ ଦିନିକିଆ କ୍ରିକେଟ୍ରେ ପଦାର୍ପଣକାରୀ ବ୍ୟାଟ୍ସମ୍ୟାନଙ୍କ ଦ୍ୱାରା ଖେଳାଯାଇଥିବା ଏହା ସବୁଠୁ ଦ୍ରୁତତମ ଅର୍ଦ୍ଧଶତକ। ବାମହାତୀ ବ୍ୟାଟ୍ସମ୍ୟାନଙ୍କ ୫୮ ରନ୍ର ଇନିଂସରେ ସାମିଲ ଥିଲା ୭ ଚୌକା ଓ ୨ ଛକା। ଆଉ ଦିନିକିଆ ପଦାର୍ପଣରେ ଅର୍ଦ୍ଧଶତକ ହାସଲ କରିବାରେ କ୍ରୁନାଲ ଦେଶର ୧୫ତମ ଖେଳାଳି। ଏଥିପୂର୍ବରୁ ଏହି ରେକର୍ଡ ନ୍ୟୁଜିଲାଣ୍ଡର ଜନ ମୋରିସଙ୍କ ନାମରେ ଥିଲା। ସେ ୧୯୯୦ରେ ନିଜ ପଦାର୍ପଣ ମ୍ୟାଚ୍ରେ ୩୫ ବଲରେ ଅର୍ଦ୍ଧଶତକ ପୂରଣ କରିଥିଲେ।