ମୁମ୍ବାଇ: ଇଣ୍ଡିଆନ ପ୍ରିମିୟର ଲିଗ୍ରେ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ପ୍ରତିନିଧିତ୍ୱ କରିଥିବା କୃନାଲ ପାଣ୍ଡ୍ୟାଙ୍କୁ ଦୁବାଇରୁ ପ୍ରତ୍ୟାବର୍ତ୍ତନ ପଥରେ ଅପ୍ରୀତିକର ପରିସ୍ଥିତିର ସମ୍ମୁଖୀନ ହେବାକୁ ପଡ଼ିଛି। ରେଭିନ୍ୟୁ ଇଣ୍ଟେଲିଜେନ୍ସ ନିର୍ଦ୍ଦେଶାଳୟ (ଡିଆର୍ଆଇ)ର କର୍ମଚାରୀମାନେ ଗୁରୁବାର ମୁମ୍ବାଇ ଅନ୍ତର୍ଜାତୀୟ ବିମାନ ବନ୍ଦରରେ ତାଙ୍କୁ କିଛି ସମୟ ଅଟକ ରଖିଥିଲେ। ତାଙ୍କ ନିକଟରେ କିଛି ସୁନା ଓ ଅନ୍ୟ ମୂଲ୍ୟମାନ ସାମଗ୍ରୀ ଥିବା ଅଭିଯୋଗ ହୋଇଥିଲା। କୃନାଲ ୟୁଏଇରୁ ସନ୍ଧ୍ୟା ୫ଟା ବେଳେ ମୁମ୍ବାଇ ବିମାନ ବନ୍ଦରରେ ଓହ୍ଳାଇଥିଲେ। ତେବେ ତାଙ୍କ ନିକଟରେ କେତେ ପରିମାଣରେ ସୁନା ଥିଲା ଏବଂ ଅନ୍ୟ କ’ଣ ସାମଗ୍ରୀ ରହିଥିଲା ତାହା ପ୍ରକାଶ କରାଯାଇନାହିଁ।
