ଟିମ ଇଣ୍ଡିଆର ଅଲରାଉଣ୍ଡର କ୍ରୁନାଲ ପାଣ୍ଡ୍ୟାଙ୍କୁ ଆଜି ୩୧ ବର୍ଷରେ ପଦାର୍ପଣ କରିଛନ୍ତି। ସେ ମାର୍ଚ୍ଚ ୨୪, ୧୯୯୧ରେ ଗୁଜରାଟର ଅହମ୍ମଦାବାଦରେ ଜନ୍ମଗ୍ରହଣ କରିଥିଲେ। କ୍ରୁନାଲଙ୍କ ସାନଭାଇ ହାର୍ଦ୍ଦିକ ପାଣ୍ଡ୍ୟା ମଧ୍ୟ ତାଙ୍କ ଭଳି ଜଣେ ଉଜ୍ଜ୍ୱଳ କ୍ରିକେଟର। ତାଙ୍କର ସ୍ବର୍ଗତ ପିତା ହିମାଂଶୁ ପାଣ୍ଡ୍ୟା ଉଭୟ ଭାଇଙ୍କୁ କ୍ରିକେଟର କରିବାରେ ବହୁ ସଂଘର୍ଷର ସମ୍ମୁଖୀନ ହୋଇଥିଲେ।
କ୍ରୁନାଲ ତାଙ୍କ ଜୀବନରେ ଅନେକ ଆର୍ଥିକ ସଙ୍କଟ ଦେଖିଛନ୍ତି। ସେ ଉଧାର ନେଇ ଏକ ବ୍ୟାଟ କିଣି କ୍ରିକେଟ ଖେଳିଥିଲେ। ଏହା ସହିତ ସେ ପେଟ ଭରିବା ପାଇଁ ମ୍ୟାଗି ଖାଉଥିଲେ। କିନ୍ତୁ ଆଜି କ୍ରୁନାଲ ଜଣେ ସଫଳ କ୍ରିକେଟର। ଆଇପିଏଲରେ ଚମତ୍କାର ପ୍ରଦର୍ଶନ ମାଧ୍ୟମରେ କ୍ରୁନାଲ ଭାରତୀୟ ଦଳରେ ସ୍ଥାନ ପାଇଥିଲେ। ଆଇପିଏଲରେ କ୍ରୁନାଲ ପ୍ରଥମେ ମୁମ୍ବାଇ ଇଣ୍ଡିଆନ୍ସ ପାଇଁ ଖେଲିଥିଲେ। ୨୦୧୬ରେ ମୁମ୍ବାଇ ପାଇଁ କ୍ରୁନାଲ ନିଜର ଆଇପିଏଲ ଡେବ୍ୟୁ କରିଥିଲେ। ପ୍ରଥମ ମ୍ୟାଚ୍ରେ ବାମହାତୀ ବ୍ୟାଟ୍ସମ୍ୟାନ କ୍ରୁନାଲ ତିନିଟି ଚୌକା ସହାୟତାରେ ୧୧ ବଲରେ ଅପରାଜିତ ୨୦ ରନ ସଂଗ୍ରହ କରିଥିଲେ। ଏହା ପରେ ବୋଲିଂରେ ୪ ଓଭରରେ ମାତ୍ର ୨୦ ରନ ଦେଇ ଏକ ଉଇକେଟ ନେଇଥିଲେ। ମୁମ୍ବାଇ ପକ୍ଷରୁ ୮୪ଟି ଆଇପିଏଲ ମ୍ୟାଚ ଖେଳିଥିଲେ। ୧୧୪୩ ରନ ସ୍କୋର କରିବା ବ୍ୟତୀତ ସେ ୫୧ ଉଇକେଟ ନେଇଥିଲେ।
୪ ନଭେମ୍ବର ୨୦୧୮ରେ ଇଡେନ ଗାର୍ଡେନ୍ସରେ ୱେଷ୍ଟଇଣ୍ଡିଜ ବିପକ୍ଷରେ ତାଙ୍କର ପ୍ରଥମ ଅନ୍ତର୍ଜାତୀୟ ମ୍ୟାଚ ଖେଳିଥିଲେ। ଟି -୨୦ପରେ ସେ ଗତ ବର୍ଷ ନିଜର ଦିନିକିଆ ଡେବ୍ୟୁ କରିବାର ସୁଯୋଗ ମଧ୍ୟ ପାଇଥିଲେ। କ୍ରୁନାଲ ଭାରତ ପାଇଁ ୧୯ ଟି -୨୦ ଏବଂ ୫ଟି ଦିନିକିଆ ମ୍ୟାଚ ଖେଳିଛନ୍ତି।
କ୍ରୁନାଲ ପାଣ୍ଡ୍ୟା ଆଇପିଏଲ ଚଳିତ ମୁମ୍ବାଇ ଇଣ୍ଡିଆନ୍ସର ଏକ ଅଂଶ ନାହଁାନ୍ତି। ଚଳିତ ସିଜିନରେ ଲକ୍ଷ୍ନୌ ସୁପର ଜିଆଣ୍ଟସ ୮.୨୫ କୋଟିରେ କିଣିଛି। ତାଙ୍କର ମୂଳ ମୂଲ୍ୟ ୨ କୋଟି ଟଙ୍କା ଥିଲା। ୨୦୨୧ ମସିହାରେ ସେ ମୁମ୍ବାଇରୁ ୮.୮ କୋଟି ଟଙ୍କା ପାଇଥିଲେ।