ପୁଣେ,୨୫।୩: ଭାରତ ଏବଂ ଇଂଲଣ୍ଡ ମଧ୍ୟରେ ପ୍ରଥମ ଏକଦିବସୀୟ ମ୍ୟାଚ୍ରେ ଡେବ୍ୟୁ କରିଛନ୍ତି ଅଲରାଉଣ୍ଡର କ୍ରୁନାଲ ପାଣ୍ଡ୍ୟା। ଏହି ମ୍ୟାଚ୍ରେ ସେ ବିସ୍ଫୋରକ ଅର୍ଦ୍ଧଶତକ ହାସଲ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି। ଏହି ମ୍ୟାଚ୍ ପରେ ତାଙ୍କ ପିତାଙ୍କ ସହ ଜଡିତ କିଛି ରହସ୍ୟ ପ୍ରକାଶ କରିଛନ୍ତି କ୍ରୁନାଲ। ଡେବ୍ୟୁ ମ୍ୟାଚସମୟରେ କ୍ରୁନାଲ ପାଣ୍ଡ୍ୟା ତାଙ୍କ ପିତାଙ୍କ ଟ୍ରାଭେଲ ବ୍ୟାଗକୁ ଡ୍ରେସିଂ ରୁମ୍ରେ ରଖିଥିଲେ। କ୍ରୁନାଲଙ୍କ ବିଶ୍ୱାସ ଥିଲା ଯେ, ତାଙ୍କ ଏକଦିବସୀୟ ଡେବ୍ୟୁରେ ସେ ତାଙ୍କ ପିତାଙ୍କ ବ୍ୟାଗ ନିଜ ସହ ରଖିଲେ ତାଙ୍କ ଉପସ୍ଥିତି ସେ ଅନୁଭବ କରିବେ। କ୍ରୁନାଲଙ୍କ ଅନୁଯାୟୀ ମୋ ପିତାଙ୍କ ଗତ ଜାନୁଆରୀ ୧୬ରେ ମୃତ୍ୟୁ ବରଣ କରିଥିଲେ। ମୁଁ ସେଦିନ ସୟଦ ମୁସ୍ତାକ ଅଲି ଟ୍ରଫି ଖେଳୁଥିଲି। ସର୍ବଦା ମୋ ମ୍ୟାଚ୍ ପୂର୍ବରୁ ପିତା ରାତିରେ ନିଜ ପୋଷାକ ସଜାଡିବାରେ ଅଭ୍ୟସ୍ତ ଥିଲେ। ମୋର ଡେବ୍ୟୁ ମ୍ୟାଚ ପୂର୍ବରୁ ତାଙ୍କ ବ୍ୟାଗକୁ ବରୋଦାରୁୁ ଆଣିଥିଲି। ମୁଁ ଜାଣେ ଯେ ସେ ମୋ ସାଥିରେ ନାହାଁନ୍ତି, କିନ୍ତୁ ସେ ପିନ୍ଧିଥିବା ପୋଷାକକୁ ନେଇ ମୁଁ ମୋ ଡ୍ରେସିଂ ରୁମ୍ରେ ରଖିଥିଲି। ତାଙ୍କ ଜୋତା, ଡ୍ରେସ୍ ଏବଂ ଟୋପି ବ୍ୟାଗ୍ରେ ଥିଲା। ମୋ ପିତା ଯେଉଁଠାରେ ଥାଆନ୍ତୁ ନା କାହିଁକି କି ତାଙ୍କ ଆଶୀର୍ବାଦ ସବୁବେଳେ ମୋ ପାଖରେ ଥାଏ ବୋଲି ସେ କହିଛନ୍ତି। ସୂଚନାଯୋଗ୍ୟ, ଡେବ୍ୟୁ ମ୍ୟାଚ କ୍ରୁନାଲ ପାଣ୍ଡ୍ୟାଙ୍କ ପାଇଁ ଅତ୍ୟନ୍ତ ସ୍ମରଣୀୟ ଥିଲା। ଏହି ମ୍ୟାଚ୍ରେ ସେ ଚମତ୍କାର ବ୍ୟାଟିଂ କରି ୩୧ ବଲରୁ ଅପରାଜିତ ୫୮ ରନ କରିଥିଲେ। ତାଙ୍କ ଇନିଂସ ସମୟରେ କ୍ରୁନାଲ ପାଣ୍ଡ୍ୟା ୭ ଚୌକା ଓ ୨ଟି ଛକା ମାରିଥିଲେ। କେବଳ ଏତିକି ନୁହେଁ ବୋଲିଂ ବେଳେ କ୍ରୁନାଲ ଗୋଟିଏ ଉଇକେଟ ମଧ୍ୟ ନେଇଥିଲେ।
My father would always keep the clothes he’d wear for our matches ready the previous night. This was what he was going to wear for my match on Jan 16, the day he left us. I carried it with me in the dressing room to feel his presence even more strongly during my ODI debut. pic.twitter.com/eXkpFWVG8M
— Krunal Pandya (@krunalpandya24) March 24, 2021
