ବଲିଉଡ୍ର ଖିଲାଡି କିଙ୍ଗ ଭାବେ ପରିଚିତ ଅକ୍ଷୟ କୁମାରଙ୍କର ଆଜି ଜନ୍ମଦିନ। ୧୯୬୭ ସେପ୍ଟେମ୍ବର ୯ରେ ଅମୃତସରରେ ଅକ୍ଷୟ ଜନ୍ମଗ୍ରହଣ କରିଥିଲେ। ଏହି ଖାସ୍ ଦିନ ପାଇଁ ତାଙ୍କୁ ସବୁ ମହଲରୁ ଶୁଭେଚ୍ଛାର ସୁଅ ଛୁଟିଛି। କରୋନାକୁ ନେଇ ଲକ୍ଡାଉନ୍ ଚାଲିଥିବା ହେତୁ ତାଙ୍କର ଏକାଧିକ ଫିଲ୍ମ ରିଲିଜ ନ ହୋଇ ଅଟକି ରହିଛି। ଏବେ ସେ ସ୍କର୍ଟଲ୍ୟାଣ୍ଡରେ ନିଜ ଆଗାମୀ ଫିଲ୍ମର ଶୁଟିଂରେ ବ୍ୟସ୍ତ ଅଛନ୍ତି।
ପରିଶ୍ରମ ଓ ନିଷ୍ଠା ବଳରେ ଅକ୍ଷୟ ସୁପରଷ୍ଟାର ପାଲଟିଛନ୍ତି। ତାଙ୍କ ଅଭିନୀତ ଫିଲ୍ମଗୁଡ଼ିକ କମ୍ ବଜେଟର ହେଉଥିଲେ ସୁଦ୍ଧା ବକ୍ସ ଅଫିସରେ ଭଲ ବ୍ୟବସାୟ କରିଥାଏ। ଫଳରେ ଦିନକୁ ଦିନ ଏହି ହିରୋଙ୍କ ଚାହିଦା ବଢ଼ିବାରେ ଲାଗିଛି। ଫୋବ୍ସ ଦ୍ୱାରା ଜାରି କରାଯାଇଥିବା ଦୁନିଆର ସବୁଠାରୁ ଅଧିକ ରୋଜଗାର କରୁଥିବା ଅଭିନେତାଙ୍କ ତାଲିକାରେ ଅକ୍ଷୟ ସାମିଲ ହୋଇଛନ୍ତି।
ଏକ ମଧ୍ୟବିତ ପରିବାରରେ ଜନ୍ମଲାଭ କରିଥିଲେ ଅକ୍ଷୟ। ହେଲେ ଏବେ ସବୁକିଛି ବଦଳିଯାଇଛି। ଏକ ହଜାର କୋଟି ସମ୍ପତ୍ତିର ମାଲିକ ହେଉଛନ୍ତି ସେ। ମୁମ୍ବାଇର ଜୁହୁ ବେଳାଭୂମିରେ ଅକ୍ଷୟଙ୍କ ୮୦ କୋଟି ଟଙ୍କାର ବଙ୍ଗଳା ରହିଛି। ଏହା ଅକ୍ଷୟଙ୍କ ପ୍ରିୟ ସ୍ଥାନ । ଏହି ଘରୁ ଯେ କେହି ଆରବ ସାଗରର ଦୃଶ୍ୟ ଦେଖିପାରିବେ।
ଅକ୍ଷୟଙ୍କ ଏକ ପ୍ରାଇଭେଟ୍ ଜେଟ୍ ରହିଛି। ଏହାର ମୂଲ୍ୟ ୨୬୦ କୋଟି ଟଙ୍କାର ଅଧିକ। ଏହାଛଡ଼ା ଅକ୍ଷୟଙ୍କ ପାଖରେ ଗୋଟିଏରୁ ବଳି ଗୋଟିଏ ମହଙ୍ଗା ଗାଡ଼ି ରହିଛି। ତାଙ୍କ ପାଖରେ ଥିବା ରୋଲ୍ସ ରୋୟନ୍ସ ଫ୍ୟାଣ୍ଟମ କାର୍ର ମୂଲ୍ୟ ୩.୩୪ କୋଟି ଟଙ୍କା। ଏଭଳି କାର୍ ବଲିଉଡର ଚାରିଜଣ ଅଭିନେତାଙ୍କ ପାଖରେ ରହିଛି। ସେମାନେ ହେଲେ ଅମିତାଭ ବଚ୍ଚନ, ଶାହରୁଖ ଖାନ୍ ଏବଂ ପ୍ରିୟଙ୍କା ଚୋପ୍ରା। କେବଳ ଏତିକି ନୁହେଁ ଅକ୍ଷୟ ଅନେକ ମହଙ୍ଗା କାର ଏବଂ ବାଇକ୍ର ସଉକ ରଖିଛନ୍ତି।
