ଜମ୍ମୁ,୨୭ ।୯: ଜମ୍ମୁ-କଶ୍ମୀର କୁଲଗାମର ବଟପୋରା ଅଞ୍ଚଳରେ ସୋମବାର ସୁରକ୍ଷାକର୍ମୀଙ୍କୁ ବଡ ସଫଳତା ମିଳିଛି । ପାକିସ୍ତାନ ଆତଙ୍କବାଦୀ ସଙ୍ଗଠନ ଜୈଶ-ଇ-ମହମ୍ମଦର ଜଣେ ଆତଙ୍କବାଦୀ ସୁରକ୍ଷାକର୍ମୀଙ୍କ ଆକ୍ରମଣରେ ନିହତ ହୋଇଛନ୍ତି । ମୃତ ଆତଙ୍କବାଦୀଙ୍କ ପରିଚୟ ମିଳିଛି ସେ ହେଲେ ଅବୁ ହୁରାରା । ସେ ଏକ ବିଦେଶୀ ପାକିସ୍ତାନ ଆତଙ୍କବାଦୀ । କଶ୍ମୀର ପୋଲିସର ଏଡିଜିପି କହିଛନ୍ତି, ମୃତ ଆତଙ୍କବାଦୀଙ୍କର ସମ୍ପର୍କ ପ୍ରତିବନ୍ଧିତ ଆତଙ୍କବାଦୀ ସଙ୍ଗଠନ ଜୈଶ-ଇ-ମହମ୍ମଦ ସହ ଥିଲା ।
ପୋଲିସ ଅଧିକାରୀଙ୍କ ସୂଚନା ଅନୁଯାୟୀ, ମୃତ ଆତଙ୍କବାଦୀଙ୍କ ନିକଟରୁ ଗୋଟିଏ ଏକେ ରାଇଫଲ ସମେତ ଆପତ୍ତିଜନକ ସାମଗ୍ରୀ, ଅସ୍ତ୍ର ଓ ଗୋଳା ବାରୁଦ ଜବତ କରାଯାଇଛି । ସୁରକ୍ଷାକର୍ମୀ ଓ ପୋଲିସ ଟିମ ମୃତ ଆତଙ୍କବାଦୀଙ୍କ ସାଥିଙ୍କୁ ଖୋଜିବାକୁ ଉକ୍ତ ଅଞ୍ଚଳରେ ସର୍ଚ୍ଚ ଅପରେଶନ ଜାରି ରଖିଛନ୍ତି । ସୋମବାର ଦ୍ୱିପ୍ରହରରେ ଖବର ମିଳିଥିଲା କି ବଟପୋରାର କିଛି ସ୍ଥାନରେ ଆତଙ୍କବାଦୀମାନେ ସକ୍ରିୟ ରହିଛନ୍ତି, ଏହାପରେ ଗାଁରେ ଘେରାବନ୍ଦୀ କରାଯାଇ ସର୍ଚ୍ଚ ଅପରେସନ ଆରମ୍ଭ କରାଯାଇଥିଲା ।
ସର୍ଚ୍ଚ ଅପରେଶନ ଆରମ୍ଭ ହେବା ଜାଣିବା ପରେ ଆତଙ୍କବାଦୀମାନେ ସୁରକ୍ଷାକର୍ମୀଙ୍କ ଉପରୁକୁ ଆକ୍ରମଣ କରିଥିଲେ । ଆଉ ଏହାର କଡା ଯବା ଦେଇଥିଲେ ସୁରକ୍ଷାକର୍ମୀ । ଏହି ଆକ୍ରମଣରେ ୨ ସାଧାରଣ ନାଗରିକ ଓ ଜଣେ ଯବାନ ଆହତ ହୋଇଥିବା ସୂଚନା ମିଳିଛି ।