ନୂଆଦିଲ୍ଲୀ,୧୮।୩: ଆଇପିଏଲ୍ର ମେଗା ଅକ୍ସନରେ ଅନ୍ସୋଲ୍ଡ ରହିଥିଲେ ଭାରତୀୟ କ୍ରିକେଟର ସୁରେଶ ରାଇନା। ଚେନ୍ନାଇ ସୁପର କିଙ୍ଗ୍ସ ପକ୍ଷରୁ ତାଙ୍କର ପ୍ରଦର୍ଶନ ଭଲ ଥିଲେ ହେଁ କେଉଁ କାରଣ ଯୋଗୁ ତାଙ୍କୁ କେହି କିଣିଲେ ନାହିଁ ତାହା ଆଜିବି ପ୍ରଶ୍ନବାଚୀ। ଏସବୁ ମଧ୍ୟରେ ଏବେ ରାଜସ୍ଥାନ ରୟାଲ୍ସ ଟିମ୍ର ନିର୍ଦ୍ଦେଶକ କୁମାର ସାଙ୍ଗାକାରା ଏହା ପଛରେ ଥିବା କାରଣ ବିଷୟରେ କହିଛନ୍ତି।
ସାଙ୍ଗାକାରା କହିଛନ୍ତି, ରାଇନାଙ୍କୁ ନ କିଣିବା ଘଟଣାକୁ ଭିନ୍ନ ଭାବେ ଦେଖାଯାଇପାରେ। ସମୟ ବଦଳିବା ସହ ଖେଳାଳି ବଦଳିଥାନ୍ତି। ଯୁବ ଖେଳାଳିଙ୍କ ଦ୍ୱାରା ନୂଆ ସମ୍ଭାବନା ସୃଷ୍ଟି ହୋଇଥାଏ। ଆଇପିଏଲ୍ରେ ରାଇନାଙ୍କ ପ୍ରତିଆରା ଉଲ୍ଲେଖନୀୟ। ସେ ଜଣେ ସର୍ବଶ୍ରେଷ୍ଠ ଖେଳାଳି। ପ୍ରତିଟି ସିଜନ୍ରେ ସେ ଭଲ ପ୍ରଦର୍ଶନ କରିଥିବା ଖେଳାଳିଙ୍କ ମଧ୍ୟରୁ ଜଣେ। ହେଲେ ରାଇନା ଆଗାମୀ ସିଜନ ଲାଗି ଉପଯୁକ୍ତ ନୁହନ୍ତି। କ୍ରିକେଟ ଆନାଲିଷ୍ଟ, କୋଚ୍, ମାଲିକ ଏସବୁ ଦେଖିଥାନ୍ତି ବୋଲି ସେ ମଧ୍ୟ କହିଛନ୍ତି।