ୱାଶିଂଟନ: ଜଙ୍ଗଲୀ ପ୍ରାଣୀ ବହୁତ ବିପଦପୂର୍ଣ୍ଣ ହୋଇଥାନ୍ତି। ସେମାନେ ଅନ୍ୟ ପ୍ରାଣୀଙ୍କୁ ତାଙ୍କ ଶିକାର ବନେଇଥାନ୍ତି। ହେଲେ ନିକଟରେ ଜଙ୍ଗଲୀ ଚିତା ଏବଂ ଏକ କୁକୁର ମଧ୍ୟରେ ବନ୍ଧୁତା ଦେଖିବାକୁ ମିଳିଛି। ଚିତା କୁମ୍ବଲୀ ଏବଂ କୁକୁର କଙ୍ଗୋଙ୍କ ବନ୍ଧୁତା ଚର୍ଚ୍ଚାକୁ ଆସିଛି। ରିପୋର୍ଟ ମୁତାବକ, ଆମେରିକାର ବର୍ଜିନିଆରେ ଥିବା ମେଟ୍ରୋ ରିଚମଣ୍ଡ ଚିଡ଼ିଆଖାନାରେ ଥିବା ଏହି ଦୁହିଁଙ୍କ ବନ୍ଧୁତାକୁ ଦେଖିବାକୁ ଅନେକ ଲୋକ ଆସୁଛନ୍ତି। ତେବେ କୁମ୍ବଲୀ ଏବଂ କଙ୍ଗୋ ମଧ୍ୟରେ ବନ୍ଧୁତା କରିବାର ଏକ ଯୋଜନା ରହିଛି। ପ୍ରକୃତରେ ଚିତା ମୁଖ୍ୟତଃ ଲାଜକୁଳା ସଦୃଶ ହୋଇଥାନ୍ତି। ଏମାନେ ଏତେ ଶୀଘ୍ର କାହା ସମ୍ମୁଖରେ ଆସି ନ ଥାନ୍ତି। ଏମାନଙ୍କ ସଂଖ୍ୟା କ୍ଷିପ୍ର ଭାବେ କମୁଛି। ଉତ୍ତର ଆଫ୍ରିକା ଏବଂ ଏସିଆରେ ଏମାନଙ୍କୁ ଲୁପ୍ତପ୍ରାୟ ପ୍ରଜାତିରେ ରଖାଯାଇଛି। ଆନୁମାନିକ ବିଶ୍ୱରେ ସମୁଦାୟ ଚିତାଙ୍କ ସଂଖ୍ୟା ୭ ହଜାର ରହିଛି। ତେବେ ଏକ୍ସପେରିମେଣ୍ଟ ପାଇଁ ଏ ଦୁହିଁଙ୍କୁ ଏକାଠି ରଖାଯାଇଥିବା ଜଣାପଡ଼ିଛି। ଉଭୟଙ୍କୁ ଛୋଟବେଳୁ ଏକାଠି ରଖାଯାଇଛି। ଚିତା ଏହି କୁକୁର ସହ ଏକାଠି ରହିପାରୁଛି କି ନାହିଁ ତାହା ପରୀକ୍ଷା କରାଯାଉଛି। ତେବେ ଏ ପର୍ଯ୍ୟନ୍ତ ସବୁକିଛି ଠିକ୍ ଚାଲିଛି। ହେଲେ ଆଗକୁ କ’ଣ ହେବ ତାକୁ ଏକ୍ସପର୍ଟମାନେ ଅପେକ୍ଷା କରିଛନ୍ତି।