ନୂଆଦିଲ୍ଲୀ, ୧୬।୯: ଆଗାମୀ ଟି-୨୦ ବିଶ୍ୱକପ୍ ପୂର୍ବରୁ ଶ୍ରୀଲଙ୍କା କ୍ରିକେଟ ଟିମ୍କୁ ବଡ଼ ଝଟ୍କା ଲାଗିପାରେ। କାରଣ ଦଳର ପ୍ରମୁଖ ଖେଳାଳି କୁଶଲ ପେରେରା ଆହତ ହୋଇଛନ୍ତି। ଏହାକୁ ନେଇ ସେ ବିଶ୍ୱକପ୍ରୁ ବାଦ୍ ପଡ଼ିପାରନ୍ତି।
ଦକ୍ଷିଣ ଆଫ୍ରିକା ବିପକ୍ଷ ସିରିଜର ତୃତୀୟ ତଥା ଅନ୍ତିମ ଟି-୨୦ ମ୍ୟାଚ୍ ସମୟରେ ପେରେରାଙ୍କ ଜଙ୍ଘରେ କଷ୍ଟ ଅନୁଭବ ହୋଇଥିଲା। ଫଳରେ ରନ୍ ନେବାବେଳେ ତାଙ୍କୁ ସଂଘର୍ଷ କରୁଥିବା ଦେଖିବାକୁ ମିଳିଥିଲା। ଚିକିତ୍ସା କରୁଥିବା ଡାକ୍ତର ସେପ୍ଟେମ୍ବର ୨୩ ପରେ ପେରେରାଙ୍କ ସ୍ବାସ୍ଥ୍ୟାବସ୍ଥା ବିଷୟରେ ସ୍ପଷ୍ଟ ହେବ ବୋଲି କହିଛନ୍ତି।
ନିକଟରେ କରୋନାରୁ ସୁସ୍ଥ ହେବା ପରେ ଅନ୍ତର୍ଜାତୀୟ କ୍ରିକେଟକୁ ଫେରିଥିଲେ। ଏବେ ଆଘାତ ସମସ୍ୟା ଦେଇ ସେ ଗତି କରୁଥିବାରୁ ଦଳ ଚିନ୍ତାରେ ରହିଛି। ଯଦି ବିଶ୍ୱକପ୍ରେ ସେ ଖେଳି ନ ପାରନ୍ତି ତେବେ ଦଳକୁ ସବୁଠାରୁ ସଫଳ ବ୍ୟାଟ୍ସମ୍ୟାନ୍ଙ୍କ ବିନା ପଡ଼ିଆକୁ ଓହ୍ଲାଇବାକୁ ପଡ଼ିବ।
