ମୁମ୍ବାଇ: ଫେମଶ ରିୟଲିଟି ଶୋ’ ବିଗ୍ ବସ୍ ୭ର ଓ୍ବିନର, ମଡେଲ ତଥା ଆକ୍ଟ୍ରେସ ଗୌହର ଖାନ ଏବେ ପୁଣି ଆସିଛନ୍ତି ଚର୍ଚ୍ଚାକୁ। ତାହାପୁଣି ନିଜ ପର୍ସନାଲ ଲାଇଫକୁ ନେଇ। ବେଶ୍ କିଛିଦିନ ପରେ ଏହି ଅଭିନେତ୍ରୀଙ୍କ ଜୀବନରେ ପୁଣି ଆସିଛି ପ୍ରେମ। ଏବେ ସେ ମ୍ୟୁଜିକ କମ୍ପୋଜର ଇସଲାମିକ ଦରବାରଙ୍କ ପୁଅ ତଥା ଫେମଶ ଟିକଟକ ଷ୍ଟାର ଜୈଦ ଦରବାରଙ୍କ ପ୍ରେମରେ ପଡିଛନ୍ତି। ଉଭୟେ ପରସ୍ପରକୁ ଡେଟ୍ କରୁଥିବା ଆଲୋଚନା ହେଉଛି। ଜୈଦ ନିକଟରେ ଗୌହରଙ୍କ ସହ କିଛି ଫଟୋ ଓ ଭିଡିଓ ସୋସିଆଲ ମିଡିଆରେ ଶେୟାର କରିବା ପରେ ଏହା ଆଲୋଚନାର ପରିସରକୁ ଆସିଯାଇଛି। ହେଲେ ଗୌହର ଏପର୍ଯ୍ୟନ୍ତ କୌଣସି ଫଟୋ ଶେୟାର କରି ନାହାନ୍ତି। ଜୈଦ ଦରବାର ଇନଷ୍ଟାଗ୍ରାମରେ ଏକ ଭିଡିଓ ଶେୟାର କରିଛନ୍ତି ଯେଉଁଥିରେ ସେ ଗୌହରଙ୍କ ସହ ଡ୍ୟାନ୍ସ କରୁଥିବା ଦେଖାଯାଇଛି। ପିଙ୍କ ଭିଲାର ଏକ ରିପୋର୍ଟ ଅନୁଯାୟୀ, ଦୁହେଁ ଏବେ ଏକାଠି ଖୁବ୍ ସମୟ କାଟୁଛନ୍ତି। କେବଳ ସେତିକି ନୁହେଁ ଦୁହିଁଙ୍କ ପରିବାର ମଧ୍ୟରେ ମଧ୍ୟ ସମ୍ପର୍କ ମଜଭୁତ ହୋଇଛି। ତେବେ ଗୌହର ଜୈଦଙ୍କଠାରୁ ୧୧ ବର୍ଷ ବଡ ହୋଇଥିବା ବେଳେ ଉଭୟଙ୍କ ପ୍ରେମ ସମ୍ପର୍କକୁ ନେଇ ଏପର୍ଯ୍ୟନ୍ତ ଅଫିସିୟାଲି କୌଣସି ଘୋଷଣା କରାଯାଇ ନାହିଁ। ପ୍ରଥମେ ଗୌହର କୁଶାଲ ଟଣ୍ଡନଙ୍କୁ ପ୍ରେମ କରୁଥିବା ନେଇ ହୋଇଥିଲା ଚର୍ଚ୍ଚା।