ଫଟୋ ହେଉ କି ବାସ୍ତବ। ଇନ୍ଦ୍ରଧନୁ ନିଶ୍ଚିତ ଦେଖିଥିବେ ତେବେ ଏହା ଅର୍ଦ୍ଧ ଗୋଲାକାର ଭାବେ ଦେଖିଥିବେ। କିନ୍ତୁ ଜାଣନ୍ତି କି ପ୍ରକୃତରେ ଇନ୍ଦ୍ରଧନୁ ଏକ ଅର୍ଦ୍ଧ ବୃତ୍ତ ନୁହେଁ ବରଂ ଏହା ଏକ ସମ୍ପୂର୍ଣ୍ଣ ବୃତ୍ତ। ନିମ୍ନରେ ଥିବା ଭିଡିଓ ଦେଖିଲେ ହିଁ ସ୍ପଷ୍ଟ ହୋଇପାରିବେ।
ଏବେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ପୂରା ଇନ୍ଦ୍ରଧନୁ ଦେଖିବାକୁ ମିଳିଛି। ଏହି ଇନ୍ଦ୍ରଧନୁଟି ଏତେ ସୁନ୍ଦର ଦେଖାଯାଉଛି। ଲୋକେ ଏହାକୁ ପ୍ରଶଂସାରେ କରିବାରେ ଟିକେ ବି ହେଳା କରୁନାହାନ୍ତି। ଓ୍ବାଣ୍ଡର ଅଫ ସାଇନ୍ସ ନାମକ ଆକାଉଣ୍ଟରେ ଏହି ଭିଡିଓ ଶେୟାର କରାଯାଇଛି। ଭିଡିଓଟି ଏକ କୋଠାର ଉପର ମହଲାରୁ ନିଆଯାଇଛି। ଏହି ବୃତ୍ତ ସମୁଦ୍ର ଉପରେ ଏବଂ କୂଳରେ ନିର୍ମିତ ଅଟ୍ଟାଳିକା ମାଧ୍ୟମରେ ଦେଖିବାକୁ ମିଳିଛି। ।
ବର୍ତ୍ତମାନ ଭିଡିଓରେ ଗୋଲାକାର ଇନ୍ଦ୍ରଧନୁ ଦେଖିଲେ ଆପଣଙ୍କ ମନରେ ପ୍ରଶ୍ନ ଉଠିପାରେ ଯଦି ଇନ୍ଦ୍ରଧନୁ ଗୋଲାକାର ତେବେ ଆମେ କାହିଁକି ଅଧା ଦେଖୁ। ଏକ ଓ୍ବେବ୍ସାଇଟରେ ଉତ୍ତର ଦିଆଯାଇଛି। ରିପୋର୍ଟ ଅନୁଯାୟୀ, ଆମେ ଇନ୍ଦ୍ରଧନୁର ସମ୍ପୂର୍ଣ୍ଣ ବୃତ୍ତିକୁ ଦେଖୁନାହୁଁ କାରଣ ବେଳେବେଳେ ଏହା ପର୍ବତ ପଛରେ ଲୁଚି ରହିଥାଏ। ଏହି କାରଣରୁ ଏହା ସମ୍ପୂର୍ଣ୍ଣ ଦୃଶ୍ୟମାନ ହୁଏ ନାହିଁ । ଏହି ଭାଇରାଲ ଭିଡିଓରେ ଦେଖାଯାଇଥିବା ପୂରା ଜିନିଷ ଦେଖିବାକୁ ଆପଣଙ୍କୁ ଏକ ଉଚ୍ଚତାରେ ଉପସ୍ଥିତ ହେବାକୁ ପଡ଼ିବ।