ଅମରପାଲି,୨୭।୨(ଡି.ଏନ.ଏ.): ସୁବର୍ଣ୍ଣପୁର ଜିଲା ବୀରମହାରାଜପୁର ଜୋନ-୧ ରେ କଂଗ୍ରେସର ଲବ କୁମାର ସାହୁ ବିଜୟୀ ହୋଇଛନ୍ତି। ସେ ବିଜେଡିର ରଞ୍ଜିତ ରଥଙ୍କଠାରୁ ୧୮୮୩ ଖଣ୍ଡ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି। ଲବକୁମାର ସର୍ବମୋଟ ୧୩ ହଜାର ୨୩୩ଖଣ୍ଡ ଭୋଟ ପାଇଥିବା ବେଳେ ରଞ୍ଜିତ ମୋଟ ୧୧ ହଜାର ୩୫୦ଖଣ୍ଡ ଭୋଟ ପାଇଛନ୍ତି। ସେହିପରି ଭାଜପାର ରାଧାକାନ୍ତ ପଣ୍ଡା ୪ ହଜାର ୧୪୬ଖଣ୍ଡ ଭୋଟ ପାଇଛନ୍ତି। ଆମ ଆଦମି ପାର୍ଟିର ସୁରେଶ କଲତା ୩୮୮ଖଣ୍ଡ ପାଇଥିବା ବେଳେ ୧,୩୬୮ ଖଣ୍ଡ ଭୋଟ ନାକଚ ହୋଇଛି। ବୀରମହାରାଜପୁର ଜୋନ-୧ର ଲବ କୁମାର ଜିଲାର ଏକମାତ୍ର ପ୍ରାର୍ଥିଭାବେ କଂଗ୍ରେସରୁ ବିଜୟୀ ହୋଇଥିବା ସୂଚନା ମିଳିଛି।