ଧରାକୋଟ,୨୦ା୧(ଡି.ଏନ୍.ଏ.): ଧରାକୋଟ ବ୍ଲକ ଅନ୍ତର୍ଗତ ମୁଣ୍ଡମରାଇ ଗ୍ରାମ ଋଷିକୁଲ୍ୟା କେନାଲ ପାର୍ଶ୍ୱରେ ଥିବା କିଶୋରବିହାର ବସ୍ତିରେ ପିଇବା ପାଣିର ଅଭାବ ଦେଖାଦେଇଛି। କିଶୋର ବିହାର ଅଞ୍ଚଳରେ ଗ୍ରାମ୍ୟ ଜଳଯୋଗାଣ ବିଭାଗ ତରଫରୁ ପିଇବା ପାଣି ଯୋଗାଣ ଲାଗି ପାଇପ ବିଛା ଯାଇନାହିଁ । ଏବେଠାରୁ ପାଣି ସମସ୍ୟା ଦେଖା ଦେଲାଣି। ତେଣୁ କିଶୋରବିହାରର ମାଳା ଗୌଡ଼, ମମି ଡାକୁଆ, ଅନିତା ଗୌଡ଼, କୁନି ଗୌଡ଼, ରଙ୍ଗବତୀ ବିଶାଳ, ଯମୁନା ମହାରଣା, ସୁଲକ୍ଷଣୀ ଗୌଡ଼, ଝୁନୁ ଗୌଡ଼ ଏବଂ ବିଷ୍ଣୁ ଗୌଡ଼ଙ୍କ ସମେତ ଅନେକ ମହିଳା ଶୁକ୍ରବାର ବ୍ଲକ କାର୍ଯ୍ୟାଳୟରେ ପହଞ୍ଚି ବିଡିଓ ଡେନିସ ବେହେରାଙ୍କୁ ଭେଟି ସମସ୍ୟା ସମାଧାନ ପାଇଁ ଦାବିପତ୍ର ପ୍ରଦାନ କରିଛନ୍ତି। ଏ ନେଇ ବିଭାଗୀୟ ଅଧିକାରୀଙ୍କ ସହ ଆଲୋଚନା କରି ପାଇପ୍ ଲାଇନ ସମ୍ପ୍ରସାରଣ କିମ୍ବା ଜରୁରୀକାଳୀନ ଭିତ୍ତିିରେ ସେଠାରେ ଏକ ନଳକୂପ ଖନନ ପାଇଁ ବିଡିଓ ପ୍ରତିଶ୍ରୁତି ଦେଇଛନ୍ତି।
