କଟକ ଅଫିସ୍,୨୫।୧୦: ବିଲ୍ଡରଙ୍କୁ ଦାଦା ବଟି ମାଗିବା ଓ ତାଙ୍କୁ ଆକ୍ରମଣ କରିବା ଅଭିଯୋଗରେ ଗ୍ୟାଙ୍ଗଷ୍ଟାର ସକିଲଙ୍କ ଗାର୍ଲଫ୍ରେଣ୍ଡ ମାନସୀଙ୍କୁ ଗିରଫ କରିଛି କମିଶନରେଟ ପୋଲିସ। କଟକରୁ ତାଙ୍କୁ ଗିରଫ କରାଯାଇଛି। ତାଙ୍କ ସହ ଦୁଇ ସହଯୋଗୀକୁ ମଧ୍ୟ ଲାଲବାଗ ଥାନା ପୋଲିସ ଗିରଫ କରିଛି।
ଦାଦାବଟି ମାଗିବା ଓ ଆକ୍ରମଣ କରିଥିବା ନେଇ କଟକ ଲାଲବାଗ ଥାନାରେ ବିଲ୍ଡର ଜଣକ ତାଙ୍କ ନାମରେ ଅଭିଯୋଗ କରିଥିଲେ। ପୋଲିସ ତୁରନ୍ତ ଏ ଦିଗରେ କାର୍ଯ୍ୟ କରି ସୋମବାର ଅଭିଯୁକ୍ତଙ୍କୁ ଗିରଫ କରିଛି। ମାନସୀଙ୍କ ଘର ଜଗତସିଂହପୁର ଜିଲ୍ଲାରେ। ସେ ପ୍ରଥମେ ଗ୍ୟାଙ୍ଗଷ୍ଟାର ସକିଲର ସହଯୋଗୀ ଭାବେ କାମ କରୁଥିଲେ। ପରେ ସେ ଗର୍ଲଫ୍ରେଣ୍ଡ ହୋଇ ତାଙ୍କୁ ଅନେକ ଅପରାଧରେ ସାହାଯ୍ୟ କରିଥିବା ପୋଲିସ ଆଗରେ ମାନିଛନ୍ତି। ମାନସୀ ନାଁରେ ଏକାଧିକ ଅପରାଧିକ ରେକର୍ଡ ରହିଛି। ପୂର୍ବରୁ ୨୦୧୪ରେ ଏକ ହତ୍ୟାକାଣ୍ଡ ମାମଲାରେ ଜଗତସିଂହପୁର ପୋଲିସ ତାଙ୍କୁ ଗିରଫ କରିଥିଲା।
