ପାଟଣା,୨ା୪(ସ୍ବ.ପ୍ର.): କେନ୍ଦୁଝର ଜିଲା ପାଟଣା ରେଞ୍ଜ ପାଟଣା ସେକ୍ସନ ତଣ୍ଡ ବିଟ୍ ଅନ୍ତର୍ଗତ ତଣ୍ଡରୁ ଚିନାମାଳି ପଶି ଆସୁଥିବା ଏକ ଚୋରା ଶାଳ ଚୌକାଠ ବୋଝେଇ ଗାଡ଼ିକୁ ବନ ବିଭାଗ ରବିବାର ଚିନାମାଳି ରାସ୍ତାରେ ଧରିବାରେ ସଫଳ ହୋଇଛି। ଗାଡ଼ି ସହ ଚୌକାଠକୁ ବନ ବିଭାଗ ଆଣି ରେଞ୍ଜରେ ରଖିଛି। ତେବେ କାଠ ମାଫିଆମାନେ ଅନ୍ଧାରର ସୁଯୋଗ ନେଇ ଜଙ୍ଗଲ ଭିତରକୁ ଫେରାର ହୋଇଯିବାରେ ସଫଳ ହୋଇଥିଲେ। ଗାଡ଼ିରୁ ୮୪ ଖଣ୍ଡ ଶାଳ ଚୌକାଠ ଜବତ ହୋଇଥିବା ରେଞ୍ଜର ଘାସିନାଥ ପାତ୍ର ଜହିଛନ୍ତି। ଜବତ କାଠଗୁଡ଼ିକର ଆନୁମାନିକ ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ସେ କହିଛନ୍ତି। ଚଢ଼ାଉରେ ରେଞ୍ଜରଙ୍କ ସମେତ ବନପାଳ ଚିତ୍ତରଞ୍ଜନ ପରିଡ଼ା,ପାରା ଷ୍ଟାଫ୍ ଏମ୍ ଡି ଓ୍ବାସିମ, ତ୍ରିଲୋଚନ ମହାନ୍ତ, ସଞ୍ଜୟ ମହାନ୍ତ,କାର୍ତ୍ତିକ ମହାନ୍ତ, ଅଟଳ ସେଠୀ ପ୍ରମୁଖ ସାମିଲ ହୋଇଥିଲେ।
