କନ୍ଧମାଳର ଲକ୍ଷପତି ଦିଦି ରାୟଗଡାରେ ଦେଉଛନ୍ତି ତାଲିମ

ଦାରିଙ୍ଗବାଡି, ୪।୯ (ଅରୁଣ ସାହୁ ): ସବୁ ବେଳେ ତେନ୍ତୁଳିର ଚାହିଦା ରାଜ୍ୟ ଓ ରାଜ୍ୟ ବାହାରେ ରହିଛି। ଅମଳ ପରେ ଏହାକୁ ସଠିକ ଭାବେ ପ୍ରସ୍ତୁତି କରିପାରିଲେ ଏହା ଚାଷୀଙ୍କୁ ଲାଭ ଦେବ। କନ୍ଧମାଳ ଜିଲା ଦାରିଙ୍ଗବାଡି ସମେତ ବିଭିନ୍ନ ବ୍ଲକ ଅଞ୍ଚଳରେ ମହିଳା ସ୍ବୟଂ ସହାୟକ ଗୋଷ୍ଠୀ ପକ୍ଷରୁ ତେନ୍ତୁଳି ପ୍ରସ୍ତୁତ କରି ରାଜ୍ୟ ଓ ରାଜ୍ୟ ବାହାରେ ଯଥା ଦିଲ୍ଲୀ, ଆନ୍ଧ୍ରପ୍ରଦେଶ, କର୍ନାଟକ, ତାମିଲନାଡୁ, ଉତ୍ତରପ୍ରଦେଶରେ ବିଭିନ୍ନ ମେଳାରେ ବିକ୍ରି କରିବାକୁ ମହିଳା ସଙ୍ଗଠନ ପକ୍ଷରୁ ମେଳାରେ ଷ୍ଟଲ ନିଆଯାଇଥାଏ। ଏହାର ସଠିକ ପ୍ରସ୍ତୁତି ନେଇ ତାଲିମ ଦେବାକୁ ମଙ୍ଗଳବାର ଦାରିଙ୍ଗବାଡି ବ୍ଲକରୁ ରାୟଗଡା ଜିଲାରେ ୨ ଜଣିଆ ଟିମ୍‌ ପହଞ୍ଚତ୍ଛନ୍ତି। ଏଥିରେ ମୁଖ୍ୟ ତାଲିମଦାତା ଭାବେ ଗତବର୍ଷ ଉତ୍ତରପ୍ରଦେଶର ନୋଇଡା ମେଳାରେ ସର୍ବାଧିକ କନ୍ଧମାଳର ହଳଦୀ, ତେନ୍ତୁଳି, କ୍ଷୁଦ୍ରଦାନା ଶସ୍ୟ ଆଦି ବିକ୍ରି କରି ଲକ୍ଷପତି ଦିଦିର ମାନ୍ୟତା ପାଇଥିବା ଝରଣା ସାହୁ ଓ ତାଙ୍କୁ ସହଯୋଗ କରୁଥିବା ପ୍ରଭାକର ସାହୁ ରହିଛନ୍ତି। ଟିମ୍‌ ରାୟଗଡା ଜିଲା କୋଲନରା ବ୍ଲକରେ ପହଞ୍ଚତ୍ ୨ଟି ମହିଳା ସ୍ବୟଂ ସହାୟକ ଗୋଷ୍ଠୀଙ୍କୁ ତାଲିମ ଦେଇଛନ୍ତି। ଶନିବାର ପର୍ଯ୍ୟନ୍ତ ଏହି ତାଲିମ କାର୍ଯ୍ୟକ୍ରମ ଚାଲିବ। କୋଲନରା ବିଡ଼ିଓ ରୀନା ପ୍ରଧାନଙ୍କ ଅଧ୍ୟକ୍ଷତାରେ ଓରମାସର ଅଧିକାରୀଙ୍କ ତତ୍ତ୍ୱାବଧାନରେ ଏହି ତାଲିମ କାର୍ଯ୍ୟକ୍ରମ ହୋଇଥିଲା।