କାଲାଗାରି,୯ା୭: ଜାପାନର କେଣ୍ଟା ନିଶିମୋତୋଙ୍କ ବିପକ୍ଷରେ ବିଜୟ ଲାଭ କରି ଲକ୍ଷ୍ୟ ସେନ୍ କାନାଡା ଓପନ ସୁପର ୫୦୦ ବ୍ୟାଡ୍ମିଣ୍ଟନ ଟୁର୍ନାମେଣ୍ଟ ଫାଇନାଲରେ ପ୍ରବେଶ କରିଛନ୍ତି। ଅନ୍ୟପକ୍ଷରେ ପି.ଭି. ସିନ୍ଧୁ ତାଙ୍କ ସେମିଫାଇନାଲ ମ୍ୟାଚରେ ହାରିଯାଇଛନ୍ତି। ସେମିଫାଇନାଲରେ ବିଶ୍ୱର ୧୧ତମ ମାନ୍ୟତାପ୍ରାପ୍ତ ଜାପାନୀ ଖେଳାଳିଙ୍କୁ ୨୧-୧୭, ୨୧-୧୪ରେ ପରାସ୍ତ କରି ସେ ତାଙ୍କ ଦ୍ୱିତୀୟ ସୁପର ୫୦୦ ଫାଇନାଲରେ ପ୍ରବେଶ କରିଛନ୍ତି। ବର୍ଷକ ମଧ୍ୟରେ ଏହା ହେଉଛି ତାଙ୍କର ପ୍ରଥମ ବିଡବ୍ଲ୍ୟୁଏଫ୍ ଫାଇନାଲ। ୨୧ ବର୍ଷୀୟ ଭାରତୀୟ ଖେଳାଳି ୨୦୨୧ ବିଶ୍ୱ ଚାମ୍ପିୟନଶିପ୍ରେ ବ୍ରୋଞ୍ଜ ଜିତିଥିଲେ। ଫାଇନାଲରେ ସେ ଚାଇନାର ଲି ଶି ଫେଙ୍ଗ୍ଙ୍କୁ ଭେଟିବେ। ଅନ୍ୟପକ୍ଷରେ ଡବଲ ଅଲିମ୍ପିକ ପଦକ ବିଜେତା ପି.ଭି. ସିନ୍ଧୁ ତାଙ୍କର ଶ୍ରେଷ୍ଠ ପ୍ରଦର୍ଶନ କରିବାରେ ବିଫଳ ହୋଇଥିଲେ। ସେ ମହିଳା ସିଙ୍ଗଲ୍ସ ସେମିଫାଇନାଲରେ ବିଶ୍ୱର ନମ୍ବର ଓ୍ବାନ ଜାପାନର ଆକାନେ ୟାମାଗୁଚିଙ୍କଠାରୁ ୧୪-୨୧, ୧୫-୨୧ରେ ପରାଜିତ ହୋଇଛି।
