ଭୁବନେଶ୍ୱର,୨୪।୪(ଅଭୟ ଦାଶ): ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଅକ୍ଷୟ ତୃତୀୟା ଉପଲକ୍ଷେ ଲାଲ୍ଚାନ୍ଦ୍ ଜୁଏଲର୍ସର ଆକର୍ଷଣୀୟ ଅଫର ଓ ଅଗ୍ରିମ ବୁକିଂ ସମ୍ପର୍କରେ ଘୋଷଣା କରାଯାଇଛି। ବିଶେଷକରି ଅନ୍ତର୍ଜାତୀୟ ବଜାର ସହ ଦେଶରେ ଦିନକୁ ଦିନ ସୁନାର ମୂଲ୍ୟ ବୃଦ୍ଧି ପାଉଛି। ଆଗକୁ ଅକ୍ଷୟ ତୃତୀୟା ଆସୁଥିବାରୁ ଗ୍ରାହକମାନେ ସୁନା ଅଳଙ୍କାର କ୍ରୟକୁ ନେଇ ଚିନ୍ତାରେ ରହିଛନ୍ତି। ଏହାକୁ ଦୃଷ୍ଟିରେ ରଖି ପୂର୍ବ ଭାରତର ସର୍ବାଧିକ ଲୋକପ୍ରିୟ ଅଳଙ୍କାର ପ୍ରତିଷ୍ଠାନ ଲାଲ୍ଚାନ୍ଦ୍ ନିଜ ପ୍ରିୟ ଗ୍ରାହକଙ୍କ ପାଇଁ ଆକର୍ଷଣୀୟ ଅଫର ଆଣିଛି। ପ୍ରତିଦିନ ସୁନାର ଦର ବୃଦ୍ଧି ପାଉଥିବା ଦେଖି ଆଗୁଆ ସୁନା ଦରକୁ ବୁକ୍ କରିବା ପାଇଁ ଲାଲ୍ଚାନ୍ଦ୍ ‘ଗୋଲ୍ଡ ଲକ୍ ଅଫର’ପ୍ରଦାନ କରୁଛି। ଏହି ଅଫର ଅନୁଯାୟୀ ଅକ୍ଷୟ ତୃତୀୟା ପାଇଁ କ୍ରୟ କରିବାକୁ ଥିବା ଆନୁମାନିକ ଓଜନର ସୁନାଗହଣା ମୂଲ୍ୟର ମାତ୍ର ୧୦% ଅଗ୍ରିମ ଦେଇ ଏଚ୍ୟୁଆଇଡି ହଲ୍ମାର୍କଯୁକ୍ତ ସୁନା ଦରକୁ ଗ୍ରାହକମାନେ ବୁକ୍ କରିପାରିବେ। ଏହାସହ ଅଗ୍ରିମ ବୁକିଂ ମୂଲ୍ୟ ହେଉ କିମ୍ବା କ୍ରୟ ଦିନର ସୁନା ମୂଲ୍ୟ, ଯେଉଁଟି କମ୍ ହେବ, ସେହି ମୂଲ୍ୟରେ ଗ୍ରାହକମାନେ ସୁନା ଅଳଙ୍କାର କିଣିପାରିବେ। ସେହିଭଳି ଚଳିତ ବର୍ଷର ଅକ୍ଷୟ ତୃତୀୟାକୁ ଦୃଷ୍ଟିରେ ରଖି ଲାଲ୍ଚାନ୍ଦ୍ର ସମସ୍ତ ଷ୍ଟୋରରେ ସୁନା, ରୁପା, ହୀରା ଓ ପ୍ଲାଟିନମ୍ ଅଳଙ୍କାରର ନୂତନ କଲେକ୍ସନ୍ସ ଉପଲବ୍ଧ। ଲାଲ୍ଚାନ୍ଦ୍ ଜୁଏଲର୍ସ ସର୍ବଦା ଗ୍ରାହକଙ୍କ ହିତ ଓ ସତ୍ୟତାକୁ ଅଗ୍ରାଧିକାର ଦେଇ ବିଭିନ୍ନ ସମୟରେ ମିଡିଆ ଅଭିଯାନ ଚଳାଇ ଆସୁଛି। ସୁନାର ଗୁଣବତ୍ତା ସହ ଲାଲ୍ଚାନ୍ଦ୍ ଜୁଏଲର୍ସ ଗ୍ରାହକଙ୍କୁ ଅପ୍ ଟୁ ସ୍କାମ୍ ଏବଂ ସର୍ତ୍ତମୂଳକ ଅଫରରୁ ବିରତ ରହିବା ନେଇ ସଚେତନ କରିଆସୁଛି। ଏଥିସହ ସର୍ବଦା ଫ୍ଲାଟ୍ ଓ ସ୍ବଚ୍ଛ ଗଢ଼ା ମଜୁରିକୁ ଚୟନ କରିବା ଉପରେ ମଧ୍ୟ ସଚେତନ କରାଇବା ପାଇଁ ମିଡିଆ କ୍ୟାମ୍ପେନ୍ ଜାରି ରଖିଛି।
