ନୂଆଦିଲ୍ଲୀ,୨୩।୧: ରାଜ୍ୟର ପ୍ରମୁଖ ଅଳଙ୍କାର ପ୍ରତିଷ୍ଠାନ ଲାଲ୍ଚାନ୍ଦ ଜୁଏଲର୍ସର ଆଉ ଏକ ବ୍ରାଣ୍ଡ୍ ଆଉଟ୍ଲେଟ୍ ସୁଦୂର ଦିଲ୍ଲୀରେ ଶୁଭାରମ୍ଭ କରାଯାଇଛି। ଏପରିକି ଶନିବାର ଦିଲ୍ଲୀର ଲାଜପତନଗର ମାକେର୍ଟଠାରେ ଲାଲ୍ଚାନ୍ଦ ବ୍ରାଣ୍ଡ୍ର ପ୍ରଥମ ଏକ୍ସକ୍ଲୁସିଭ ଷ୍ଟୋର ‘ଆରୋହୀ’ ଉଦ୍ଘାଟିତ ହୋଇଯାଇଛି। ଏହି ଅବସରରେ ଭାରତର ପୂର୍ବତନ ସୂଚନା କମିଶନର ସତ୍ୟାନନ୍ଦ ମିଶ୍ର ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ।
ଅନ୍ୟମାନଙ୍କ ମଧ୍ୟରେ ଲାଲ୍ଚାନ୍ଦ ଗ୍ରୁପ୍ର ବହୁ ବରିଷ୍ଠ ଅଧିକାରୀ ତଥା ଆରୋହୀର ଅଧିକାରୀ ଓ କର୍ମଚାରୀଙ୍କ ସମେତ ଅନ୍ୟମାନେ ମଧ୍ୟ ଉପସ୍ଥିତ ଥିଲେ। ଏ ସମ୍ପର୍କରେ ଲାଲ୍ଚାନ୍ଦ ଗ୍ରୁପ୍ର ପ୍ରତିଷ୍ଠାତା ଅଧ୍ୟକ୍ଷ ସଞ୍ଜୟ ହଂସ କହିଛନ୍ତି, ଓଡ଼ିଶାର ଲୋକପ୍ରିୟ ବ୍ରାଣ୍ଡ୍ ବର୍ତ୍ତମାନ ଦିଲ୍ଲୀ ସହରରେ ତା’ର କାୟା ବିସ୍ତାର ସହ ଗ୍ରାହକଙ୍କ ବିଶ୍ୱାସଭାଜନ ଓ ସୁଲଭ ମୂଲ୍ୟରେ ଗୁଣାତ୍ମକ ସାମଗ୍ରୀ ଆରୋହୀ ଗ୍ରାହକଙ୍କୁ ଯୋଗାଇଦେବ।
ସେହିଭଳି ଲାଲ୍ଚାନ୍ଦର ସିଇଓ ପଲକ ହଂସ ସେନ୍ କହିଥିଲେ, ଦିଲ୍ଲୀବାସୀ ଓ ଦିଲ୍ଲୀକୁ ଆସୁଥିବା ସବୁ ବର୍ଗର ଗ୍ରାହକଙ୍କୁ ଉନ୍ନତ ତଥା ଗୁଣାତ୍ମକ ସାମଗ୍ରୀ ସହ କଳା ସଂସ୍କୃତିର ଡିଜାଇନ ଓ ଗ୍ରାହକ ଚାହିଦାକୁ ଗୁରୁତ୍ୱ ଦିଆଯିବ। ଏପରିକି ଦିଲ୍ଲୀର ଗ୍ରାହକ ଅଳଙ୍କାର ପ୍ରିୟ ହୋଇଥିବାରୁ ସେମାନଙ୍କୁ ସବୁ ପ୍ରକାର ଡିଜାଇନ ଓ ବିଶୁଦ୍ଧ ସୁନାର ଉତ୍ପାଦ ଯୋଗାଇବା ଆମର ପ୍ରଥମ ଦାୟିତ୍ୱ ରହିବ। ବିଶେଷକରି ଯୁବବର୍ଗର ଗ୍ରାହକଙ୍କ ପାଇଁ ହାଲୁକା ଓ ଡିଜାଇନକୁ ବେଶ୍ ଗୁରୁତ୍ୱ ଦେବା ସହ ଅତ୍ୟାଧୁନିକ ଡିଜାଇନ ସମ୍ଭାର ଉପଲବ୍ଧ କରାଇବା ଆମର ମୂଳ ଲକ୍ଷ୍ୟ ହେବ ବୋଲି ପଲକ ମତପ୍ରକାଶ କରିଥିଲେ।