ପାଟନା,୫ ।୧୨: ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କର ସୋମବାର ସିଙ୍ଗାପୁରରେ କିଡନୀ ପ୍ରତିରୋପଣ ହେବାକୁ ଯାଉଛି । ଝିଅ ରୋହିଣୀ ଆଚାର୍ଯ୍ୟ ତାଙ୍କୁ କିଡନୀ ଦେବେ । ଏହାକୁ ନେଇ ରୋହିଣୀ ପ୍ରତି ମୁହୂର୍ତ୍ତର ଅପଡେଟ ଦେବା ସହ କିଛି ଫଟୋ ବି ଶେୟାର କରୁଛନ୍ତି । କେତେବେଳେ ହସ୍ପିଟାଲର ତ ପୁଣି କେତେବେଳେ ଏୟାରପୋର୍ଟର ଫଟୋ ଶେୟାର କରି ରୋହିଣୀ ଏହାକୁ ନେଇ ସୂଚନା ଦେଉଛନ୍ତି । ସୋମବାର ଅପରେଶନ ପୂର୍ବରୁ ରୋହିଣ ପୁଣି ଏକ ଫଟୋ ଶେୟାର କରିଛନ୍ତି ।
ରୋହିଣି ଏଥର ଦୁଇଟି ଫଟୋ ଶେୟାର କରିଛନ୍ତି, ଯାହା ହସ୍ପିଟାଲର । ଏମାନେ ହସ୍ପିଟାଲରେ ଭର୍ତ୍ତି ହୋଇ ସାରିଛନ୍ତି । ସିଙ୍ଗାପରର ମାଉଣ୍ଟ ଏଲିଜାବେଥ ହସ୍ପିଟାଲରେ ଲାଲୁ ଯାଦବଙ୍କ କିଡନୀ ଟ୍ରନ୍ସପ୍ଲାଣ୍ଟ କରାଯିବ । ସୋମବାର ଅପରେଶନ ପୂର୍ବରୁ ରୋହିଣୀ ଫଟୋ ଶେୟାର କରି କ୍ୟାପଶନରେ ଲେଖିଛନ୍ତି, ‘ରେଡି ଟୁ ରକ ଆଣ୍ଡ ରୋଲ, ୱିଶ ମି ଦ ଗୁଡ ଲକ’ । ରୋହିଣୀଙ୍କ ଏହି ସାହସକୁ ଦେଖି ଟୁଇଟରରେ ଲୋକେ ତାଙ୍କୁ ଶୁଭକାମନା ଜଣାଉଛନ୍ତି ।