ଶିମ୍ଲା,୧୨।୮: ହିମାଚଳ ପ୍ରଦେଶର ରାମପୁରରେ ଶୁକ୍ରବାର ଭୂସ୍ଖଳନ ହୋଇଛି। ଯେଉଁଠାରେ ଭଗ୍ନାବଶେଷ ତଳେ ପାଞ୍ଚ ଜଣ ଚାପି ହୋଇ ଯାଇଥିଲେ। ଘଟଣାସ୍ଥଳରେ ଜଣେ ମହିଳାଙ୍କ ମୃତ୍ୟୁ ଘଟିଥିବା ବେଳେ ୩ ମହିଳାଙ୍କ ସମେତ ଜଣେ ଶିଶୁ ଆହତ ହୋଇଛନ୍ତି। ମୃତ ମହିଳା ଜଣକ ୩୩ ବର୍ଷୀୟା ଅନୀତା ଦେବୀ ରନପୁ ଗ୍ରାମର ବୋଲି ଜଣାପଡିଛି। ଅନ୍ୟପଟେ ଆହତ ୩ଜଣଙ୍କୁ ନିକଟସ୍ଥ ଖନେରୀ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଅନ୍ୟ ଜଣେ ଆହତଙ୍କୁ ଆଇଜିଏମ୍ସି ଶିମଲାକୁ ସ୍ତାନାନ୍ତର କରାଯାଇଛି। ସୂଚନାଯୋଗ୍ୟ, ବୁଧବାର ରାତିରୁ ଲଗାତର ହେଉଥିବା ବର୍ଷା ଯୋଗୁ ଅନେକ ସ୍ଥାନରେ ଭୂସ୍ଖଳନ ହୋଇଛି। ଏହିକ୍ରମରେ ଶୁକ୍ରବାର ସକାଳ ୧୧ଟା ୩୦ରେ ରାମପୁର ସବ୍-ଡିଭିଜନ ଅଧୀନରେ ଥିବା ପଞ୍ଚାୟତ କିନ୍ନୁର ରନପୁ ଗ୍ରାମ ସହିତ ମସନୁ କିନ୍ନୁ ମଧ୍ୟରେ ଥିବା ରାସ୍ତାରେ ଭୂସ୍ଖଳନ ହୋଇଥିଲା। ଭଗ୍ନବଶେଷ ତଳେ ୪ଜଣ ଚାପି ହୋଇଯାଇଥିଲେ। ଘଟଣାସ୍ଥଳରେ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ୩ଜଣଙ୍କୁ ଆହତ ଅବସ୍ଥାରେ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। ଏଥିସହ ଉଦ୍ଧାରକାରୀ ଦଳ ରାସ୍ତା ସଫା କରିବାକୁ ଉଦ୍ୟମ ଜାରି ରଖିଛନ୍ତି।
